Read Termanu YESKIAL 27 Bible Online

YESKIAL 27 - Termanu bible

YESKIAL 27

¹MANETUALAIN Fo Mademaina, nafa'da au nae, “Hai hataholi daebafak fo, manasapu-manalalok-konei, makamee nakamee natoi-natonok ia ba'eneu Tirus, kota tasi su'uk fo ana dangan no basa laun tasi su'uk-kala lalaena: Tirus, o kokolak no koao-ndaeaok mae, ‘Au mata makeeng-nga, tete'ek-ka matetu-mandaak!’

⁴Tasiina sama leo uma, ba'eneu o. O nananafofo'ak, sama leo ofaha'i mana'a hiik-ka.

⁵O papalam-ma, neme ai aras fo neme Letek Hermon-na mai, o laa-ma, diin-na neme ai kaiou fo, neme Libanon mai

⁶O sefem-mala nanataok neme, ai matuaina manai Basan-nala mai. O ofam-ma uma anan-na, nanataok neme ai kaiou mai, o da'di meme pulu Sipru-sa mai, o nanabalias nenik ngga'di dui kabelik.

⁷O laa-ma, ma o dedeo-ma, nanataok neme Masir tema abalutun-na mai, nanaseuk nenik seseuk mata-matak-kala. O lalaa temam-mala, nanataok neme tema abalutu anak-ka mai, temak neme Siprus mai, fo dula pila balanggeok.

⁸O hataholi manasefem-mala, leme Sidon ma Arwad mai, O ofa isim-mala, hataholi tasi malelaina-la.

⁹Tuka ai manatao-no'i manai ofak lain-na nde been-na, tuka ai-la leme Gebal mai. Ofak-kala, ala mai leme nusa-nusak lala'en-na mai, fo ala sanga dangan loo o.

¹⁰Solda'du-la, ala mai leme Persia, Lidia, ma Libia mai, fo lakabubua loo o solda'dum-mala. Ala lolo'e sila babaa fanan-nala, ma topi bai-nala, leu o kotam-ma, papala nanadaman-nala. Ala tulu-fali o, de ala sengi musu-la, boema o na'dem-ma boetai nanakoa-nanakiok.

¹¹Solda'du fo maleme Arwad mai, lanea o papala nanadamam-mala; hataholi fo maleme Gamad mai, lanea o umam-mala puni mademan-nala. Sila babaa fanan-nala, ala lolo'e lakadadalak-kasa, leu o papala nanadamam-mala. Sila nde tao-la, o lole-napum natetu-nandaa.

¹²O mase'o o bua-lo'a dangam makadotom-mala, nai Spanyol, fo ala tuka o bua dangam-mala, nenik lilofulak, besi, tima fulak ma tima nggeok.

¹³O dangan nai Yunani, nai Tubal ma nai Mesekh, fo o tuka o bua dangam-mala nenik sila atan-nala, ma bua-lo'as-sala, nanataok neme liti-a mai.

¹⁴O tuka o bua dangam-mala nenik ndala kaleta, ndala sasa'ek ma ndala manafua buas-sa neme Bet-Togarma mai.

¹⁵Laun Rodus-sala boeo, ala dangan loo o, ma laun manai tasi su'uk-kala, ala asa o bua dangam-mala nenik ngga'di dui, ma ai nggeok.

¹⁶Basa manadangan fo maleme nusa Siria mai, ala asa bua dangam-mala, ma o bua-lo'a makadotom sila-la. Ala bae lenik batu poemata fo dulan-na momo'dok, tema pila balanggeok, tema nanaseu-sook nenik bunga, tema abalutu, batu poemata koral, ma batu pilas dalima.

¹⁷Yehuda ma Israel, ala tuka o bua dangam-mala nenik gandum, fanioe, mina setun, ma bumbu-bumbu.

¹⁸Laun Damsyik-kala, ala asa o bua dangam-mala, ma dae-oem buna-boan, fo ala bae lenik angol neme Helbon mai, bi'ilopo bulu neme Sahar mai, besi tutu, ma bumbu-bumbu.

²⁰Laun Dedan-nala, ala bae o bua-lo'am-mala nenik ne'ak sa'e ndala.

²¹Hataholi Arab ma manakoasa dae Kedar-ra, ala asa o bua dangam-mala nenik bi'ilopo ana, bi'ilopo mane ma bi'ihiik.

²²Manadangan-nala leme Syeba ma Raema mai, ala leni poemata-la, lilopilas ma bumbu neulauk-kala, fo ala asa o bua-lo'am-mala.

²³Kota Haran, Kane, Eden, manadangan-nala leme Syeba mai, kota Asyur ma Kilmad, basa-basas dangan loo o.

²⁴Ala lase'o fe o, papake-ngganggao neulauk, tema pila balanggeok, tema nanaseu-sook nenik bunga, ne'ak madula mata-matak-kala, ma tali mateaina-la.

²⁵ Ala fua o bua dangam-mala, nenik ofa dangan matuaina-la, de ala la'ok latutungao. O sama leo ofak fo, fufuan-na namabela.

²⁶Basa o hataholi manasefem-mala, ala loo o leo tasi tala'dak neu. Ani timu matuaina, ana hotu fe o.

²⁷Basa o bua dangam, fo manai ofak lain-na, basa o hataholi tasi-mala, boema o isi-mala, basa o tuka ai-mala, ma o hataholi manadangam-mala, basa solda'du manai ofak ndia lain-na, basa-basas lala'en-na, ala bolo de mopos, nai lelek o ofam-ma, ana hala.

²⁸O hataholi tasi-mala, ala nggasi nanahu ala bii-lamata'u, hataholi tasi su'uk-kala, lamanene o hataholi tasi-mala lakadii-lakau.

²⁹O hataholi tasi-mala, ala kona la'oela ofak ndia, de ala kae leo dae ma'dak lain leu.

³⁰Ala kii-makaleleu o ua-nalem, ala haladoi ma ala makaleleu no dale he'dik nanseli. Ala nggali afu leo langan-nala lain neu, de ala lololi lai afu dale, da'di leo ta'du-tana susa.

³¹Hu kande o de, ala nggeu dilak langan-nala, ma ala pake si'di kalong, manafaluk. Ala kii noi-noi ma ala makaleleu o ua-nalem.

³²Boema, ala lakamee, nakamee natoi-natonok esa, ‘See sama leo Tirus, fo mopon nai tasi tala'dak so?

³³Nai lelek o bua-lo'am nananakonak neme ofak lain mai, o tao matetu leoina-kala paluun-na; o taom ma mane-manek-kala, ala da'di lamasu'i.

³⁴Besak ia, o bolo so, o makalulutuk nai tasi buin-na. O ofa isi-mala, ma basa bua-lo'as lala'en-na, mopos sama-sama loo o, nai tasi tala'dak.’

³⁵Basa hataholi manaleo manai tasi su'uk-kala, lamanene o da'di tao leondiak boema, ala nggenge-la. Sila manen-nala boeo, ala bii-lamata'u lanseli; ta'du-tana bibii-namata'u matuaina, nai mata-panan-nala.

³⁶Mopok o, losa dodoon-na. Basa manadangan manai daebafak-ka lala'en-na, ala nggenge-la, nanahu ala bii, boso nalosak sila ua-nalen leondiak boe.”