Read Termanu YESKIAL 48 Bible Online

YESKIAL 48 - Termanu bible

YESKIAL 48

¹Dae too kii, namanalu leo dulu neu, fo ana mulain neme Tasi Tala'dak leo kota Hetlon-na, enok fo masok leo Hamat, kota Hazar-Enan-na, losa leo dae too fo, nai kota Damsyik-ka no kota Hamat-ta tala'da. Leo ia-la nde, esa-esak muse hapu baba'ek esa, neme dae fo, namaloa neme dae too dulu, leo muli neu, losa leo Tasi Tala'dak neu, fo baba'en-na neme kii leo kona neu: Dan Asyer Naftali Manasye Efraim Ruben Yehuda

⁸Muse uku-ma, dae ndia baba'ek esa, soaneu paluu hehelik. Nalun-na, muse kilo sanahulu dua, metel natun lima, fo neme too kii losa too kona. Too dulu ma too muli, nanalun-na, muse sama no leo-leo Israel-la, dae baba'en-nala, nanalun-na. MANETUALAIN Uman-na, neukose napadeik nai baba'ek ndia.

⁹Fe hehelik dae ndia seli neu MANETUALAIN, fo nde dae manai dae ndia usen-na, nalun-na, kilo sanahulu dua, metel natun lima, ma loan-na, kilo sanahulu.

¹⁰Neukose MANETUALAIN Uman-na, napadeik nai dae ndia tala'da. Basa imam-mala, muse hapu baba'ek neme dae malalao-malalafuk ndia mai. Sila baba'en-na, neme su'un dulu-leo su'un muli neu, kilo sanahulu dua, metel natun lima, ma neme su'un kii leo kona neu, kilo lima.

¹¹Dae hehelik ndia, neukose ana da'di imam-imam fo, Zadok tititi-nonosin-nala, dae pusakan. Ala lalalau-laoono basa MANETUALAIN, no lilinekak, te ta sama leo hataholi Lewi fo, sila leo esa, ala tunga tao sala-singok sama-sama loo hataholi Israel fe'ek-kala.

¹²Hu ndia de, muse fe Zadok tititi-nonosin sila-la, dae hehelik nai dae fo, neukose fen neu hataholi Lewi-la ndia, boboan-na. Dae hehelik ndia, malalao-malalafuk nanseli.

¹³Hataholi Lewi-la daen ndia, nalun-na neme dulu leo muli neu, kilo sanahulu dua, metel natun lima, ma loan-na neme kii leo kona neu, kilo lima, de nakadadalak no imam-mala daen-na.

¹⁴Sila ta bole lase'o dae ndia, leomae ka'da tenga esa boe, do ala tukahenin; Israel dae baba'en fo, malole nanseli-a, ta bole lali leo hataholi fe'ek liman neu fa, nana dae ndia, nanafe hehelik ba'eneu MANETUALAIN de ana da'di Manetualain nuun so.

¹⁵Nai dae hehelik ndia boboan kona, bei ela dae nai ndia, nalun-na kilo sanahulu dua, metel lima, ma loan-na, kilo dua seselik. Dae baba'ek ndia, ta malalao-malalafuk fa, de laun-na bole paken da'di mamana leleok, do ta taon da'di moo mana'uk, ma muse nafofo'a kota esa neu dae ndia tala'da.

¹⁶Kota ndia, muse balakak, fo kota ndia su'un esa-na, kilo esa metel natun dua limahulu.

¹⁷Nai kota ndia boboa-kaisun lala'en-na, muse hapu mook soaneu nakaminak, fo loan-na, metel natun esa duahulu lima.

¹⁸Nai kota ndia boboan dulu ma boboan muli, muse hapu mook soaneu nakaminak, fo mook esa-na, kilo sanahulu dua, metel lima. Moo nakaminak ka duak sila-la, laun manai kota ndia, muse ala paken soaneu sele bubu'u-palusa su'di beek-ka neu.

¹⁹Basa leo Israel-la, hataholin fo, ala leo lai kota ndia, ala bole foi-fala dae ndia.

²⁰Da'di, basa dae ndia lala'en-na, leken no dae hehelik-ka, ma dae soaneu kota, balakak fo su'un esa soona, kilo sanahulu dua, metel natun lima.

²¹Dae hehelik fo, nanasadiak soaneu MANETUALAIN Uman-na, soaneu basa imam-mala, soaneu hataholi Lewi-la, ma kota ndia boboan muli ma boboan dulu, nde been-na soaneu manapaleta. Nai dae ndia boboan dulu, namaloa losa leo, dae too dulu neu, ma nai boboan muli, losa Tasi Tala'dak, fo nai dae Yehuda ma dae Benyamin-na, tala'da.

²³Dae manai dae hehelik-ka boboan kona, nde been-na, soaneu leo fe'e-fe'ek-kala. Dae ndia loloan-na, mulai neme dae too dulu, leo muli neu, fo losa Tasi Tala'dak-ka, nanaba'ek neme kii leo kona neu: Benyamin Simeon Isakhar Zebulon Gad

²⁸Nai dae Gad-ta, boboan kona, hapu dae too fo, mulai neme Tamar muli konak, fo ana tunga oemata Kades-Meriba, boema ana leo muli kiik neu, de ana ndolo Masir dae toon-na losa Tasi Tala'dak.

²⁹MANETUALAIN Fo Mademaina, nafa'da nae, “Leondiak, dae ndia muse nanababa'ek neu leo-leo Israel-la.”

³⁰ Lelesu masok leo kota Yerusalem-ma neu, hapu lelesu sanahulu dua. Papala nanadama ka haan-nala, esa soona, metel natun dua limahulu, ma lelesuinan telu. Lelesuina sila-la na'den-nala, nanafoik tunga leo-leo Israel-la, na'den-nala. Lelesuina manai kii-la, nanafoik na'de Ruben, Yehuda ma Lewi; lelesuina manai papala nanadamak dulu-la, nanafoik na'de, Yusuf, Benyamin boema Dan; manai papala nanadamak kona-la, nanafoik na'de Simeon, Isakhar, ma Zebulon; boema manai papala nanadamak muli-la, nanafoik na'de, Gad, Asyer, ma Naftali.

³⁵Basa papala nanadamak ndia lala'en-na, nanalun-na kilo sio. De mulai hatematak ia, hataholi-la foi kota ndia na'de: “MANETUALAIN NAI NDIA!”