Read Termanu HOSEA 3 Bible Online

HOSEA 3 - Termanu bible

HOSEA 3

¹MANETUALAIN nafa'da au nae, “Muu seluk leona, fo mahiik moo ina manasosoa-piaok esa. Mahiik moon, sama leo Au boeo ahiik hataholi Israel-la, leomae ala la'oela Au, de ala sene-do'ok neu lamatua fe'ek, boema ala nau tunu-hotu koki kismis fe sosongo-tatangok.”

²Boema au bae doi fulak 15, ma gandum kilo 150 soaneu hapu inak ndia.

³Au afa'dan ae, muse nahani au nala dook-ka. Nai fai dook ndia dalen-na, ana ta bole sosoa-piao do hohonge fa, ma neukose, au ta deka o fan boe.

⁴Hataholi Israel-la leondiak; Doon-na seli, laso'da no ta lanuu manek, do mauli-malangan fa, ala ta fe tutunu-hohotuk do lutu batu fo lamahele nanuu koasa, ta lanuu sosongo-tatangok, do koasa makahatuk fo bisa nafa'da sila maso'dan nai fai manamaik-ka, leo beek.

⁵Tehu neukose fain-na losa, leoina Israel-la fali le'us leo sila MANETUALAIN-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu MANETUALAIN, boema ala sipo baba'e-papalan.