Read Termanu HOSEA 6 Bible Online

HOSEA 6 - Termanu bible

HOSEA 6

¹Hataholi Israel-la lafa'da lae, “Mai fo ata fali leo MANETUALAIN Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

²Nai faik dua do 3 dalen-na ia, neukose nakahahaik ita, ma neukose ita taso'da nai nasulu-nahapan dale.

³Hu ndia de, mai fo ata sanga enok, soaneu te'e-te'e talelak MANETUALAIN. Tao leo bee-o, neukose Ana mai leo ita mai, sama leo le'do-a tii mai, ma sama leo u'dan-na tao nakadoe daebafak-ka nai faik u'dan-na nate'e.”

⁴Tehu MANETUALAIN nafa'da nae, “Hai hataholi Israel, ma hataholi Yehuda-la lemin! Au muse tao emi le'e? Emi susuem neu Au-a, mopon no lai-laik, sama leo ko'a makamamasuk-ka, do dinis-sa nai fai fafain-na.

⁵Hu ndia de, Au adenu Au nabing-ngala, fo landuku-lalosak Au nakeketung-nga neu emi, nae emi muse nanahukuk, ma nanatao namopo-namatek. Fo Au ahiik neme emi mai-a, mangale'dok so:

⁶ Au nau emi malelak Au, ma sue-lai Au tataas esa, neme emi tunu, ma tunu-hotu tutunu-hohotuk fe Au.

⁷Tehu sama leo nai dae Adam-ma, emi malelesi emi hehelu-balatam moo Au-a.

⁸Gilead nde been-na, kota fo henuk no hataholi manatao tatao-nono'i mangalauk, ma mado'do-mapauk-ka.

⁹Imam-imam manai kota ndia, sama leo nakoda bubuak esa, fo ala maku hataholi mananisik enok ndia. Nai enok fo manaleo mamana malalao-malalafuk manai Sikhem-ma neu, boeo ala tao eno kanisak-ka! Ala tao basa tatao-nono'i mangalauk sila-la, no dale nameme'dak.

¹⁰Au ita hata esa nai Israel, neni bibii-namata'uk fo nde: Au anang-ngala tao langgenggeo aoinan-nala nenik sosongo-tatangok.

¹¹Hai hataholi Yehuda-la lemin! La'eneu emi soona, Au aketu basa fain-na so, soaneu huku emi boe, nanahu emi tatao-nono'im.”