Read Termanu ZAKHARIA 3 Bible Online

ZAKHARIA 3 - Termanu bible

ZAKHARIA 3

¹ Nai ninita fe'ek esa seluk dalek, MANETUALAIN natu'du au, Imam Matuaina Yosua, bei napadeik nai MANETUALAIN ata nusa so'dan-na matan-na. Nitu fo naheheleaon basa, soaneu ana kalaak-kana, napadeik nai Yosua boboan-na.

² MANETUALAIN ata nusa so'dan-na nafa'da Nitu nae, “Hai Nitu-a nei Sa'di leo been-na, MANETUALAIN Ana huku o! Sa'di leo been-na, MANETUALAIN, fo manasue-lai Yerusalem-ma, Ana huku o. Hataholi ia, sama leo ha'ilute manapilak-ka, fo hela henin neme ha'i dale mai.”

³Yosua napadeik nai ndia, tehu ana pake bua-lo'a manggenggeok nanseli.

⁴Boema, ata nusa so'dak ndia, nafa'da malalau-maoonon manai nusa so'dak-kala nae, “O'du heni bua-lo'a manggenggeok fo hataholi ia paken.” Boema nafa'da Yosua nae, “Au tu'u-tapa heni o sala-singom so, de neukose au fe o bua-lo'a beuk.”

⁵Ata nusa so'dak ndia boeo, ana paleta malalau-maoonon-nala, fo ala tao bulamolik balisi neu Yosua langan-na. Ala tao tunga paleta ndia, de basa ndia boema, ala pake Yosua bua-lo'a beuk ndia, no MANETUALAIN ata nusa so'dan-na naneas.

⁶Basa boema, ata nusa so'dak ndia, nanduku-nalosak MANETUALAIN hala-kokolan neu Yosua nae,

⁷“Metema o tao tunga Au hoholo-lalaneng, ma o makalala'ok Au fe o bela-ba'uk-ka, soona o bole da'di mauli-malangan nakandondoo henin, nai Au Umang dale, ma o ito-ato uma so'dan-na. Neukose Ao amanene o hule-haladoim-mala, sama leo Au amanene basa ata nusa so'dak manadeka loo Au-a, huhule-haladoin-nala.

⁸ Mamanene leon, hai Imam Matuaina Yosua, boeo emi, imam-imam fo manada'di Yosua nonoon-nala lemin, emi basa-basam-mala nde been-na, salaok neme emi maso'dam manamaim-mala, malole. Nai tepo-lelek ndia, neukose Au adenu Au atang fo loken lae, ‘Manabuku beuk’.

⁹Au pe'da batu bu'u ka hituk esa neu Yosua matan-na, fo neukose Au doki-dulak-kana nenik susula de'ek. Neukose Au tu'u-tapa heni nusak ia sala-singon-nala, ka'da nai faik esa dalen-na.

¹⁰ Neu faik bee, fo faik ndia losa soona, neukose hataholi-la esa-esak, ana ka'i uma titia-tatain-nala, fo ala mai lame'da lita dame ma so'da-molek-ka nai emi osi angom-mala, ma emi ai kaam-mala tala'da heon.”