Read Termanu ZAKHARIA 4 Bible Online

ZAKHARIA 4 - Termanu bible

ZAKHARIA 4

¹Ata nusa so'dak fo manakokolak no au ndia, ana mai seluk, de nafofo'a au, sama leo nafofo'a hataholi manasunguk-ka,

²de natane nae, “O mita beek?” Boema, au ataa ae, “Banu eik esa, nanataok neme lilopilas-sa mai. Mamana minan-na, nai pe'dan-na lain, ma banuk 7, nai boboa-kaisun, fo esa soona, nanuu mamana tetelu 7.

³ Ai setun ndanak 2, nai banu eik ndia boboa kii-konan.”

⁴Basa boema, au atane ata nusa so'dak ndia ae, Tuan, “Buas sila-la leni ta'du-tana beek?”

⁵Boema natane au nae, “O ta bubuluk-kana fa?” Au ataa ae, “Ta Tuan.”

¹⁰ Ata nusa so'dak ndia nafa'da au nae, “Banu ka hituk sila-la nde been-na, MANETUALAIN mata ka hitun-nala, fo Ana mete leo basa daebafak-ka lala'en-na neu.”

¹¹ Basa boema, au atane seluk-kana ae, “Ai ndana setun ka duak manai banu eik ndia boboa kii-konan ndia, sosoa-ndandaan hata?

¹²Boeo, ade ai ndana setun ka duak manai pipa lilopilas ka duak-kala boboan manafaa mina setun-na, sosoa-ndandaan-na beek?”

¹³Nataa au nae, “O ta bubuluk-kana fa?” Au ataa ae, “Ta Tuan.”

¹⁴Boema nafa'da nae, “Ndia nde bee soona, hataholi 2, fo MANETUALAIN fo mana makadada'dik lalai maloa, Ana hele basa duas so, de natu'du duas fo lalalau-laoonon.” MANETUALAIN hehelu-balatan neu Zerubabel Ata nusa so'dak ndia, nadenu au, fo au anduku-alosak MANETUALAIN hala hehelun-na nde ia, neu Zerubabel nae, “Ta nenik solda'du be'i-balakain, do boeo ta nenik o be'i-balakaim mesam-ma, neukose o sengi, tehu nenik Au duladaleng-nga dei. Leomae mana mapanggenggek-ka ba'u letek-ka boeo, neukose nanasi'u henik neme o matam-ma mai. Neukose, o mafofo'a falik Au Umang-nga, ma nai lelek o pe'da batu makasososak-ka neu mamanan-na, neukose hataholi-la laloo beboo lae, ‘Mana'ahiik nanseli!’ ” Boema, MANETUALAIN hala hehelu fe'en-na, ana mai seluk, nae, “Zerubabel pe'da basa Au Umang-nga batu makasososan-na so, de neukose ana tao nakababasak uma ndia lala'en-na. Metema, dede'ak ndia ana da'di soona, neukose Au anang-ngala bubuluk, lae Au nde adenu o, fo Zakharia neu leo sila neu. Hapu ng(...)