Read Termanu YOHANIS 2 Bible Online

YOHANIS 2 - Termanu bible

YOHANIS 2

¹Basa faik dua boema, feta kabi nga, neme kota Kana fo nai Galilea, de Yesus inan boeo, neu leo feta kabing ndia neu boe.

²Yesus no ana manatunga nala boeo, ala ka'is leo feta kabing ndia boe.

³Tehu hataholi la la'a-linu boema, Yesus inan nafa'da Yesus nae, “Basa ango la so.”

⁴Boema Yesus nafa'da inan nae, “Ina, boso madenu Au. Te fai nga beita losa, soaneu Au atu'du au aoina nga fa.”

⁵Boema Yesus inan nafa'da malalau la nae, “Metema nafa'da emi tao beek soona, ka'da tao tungan.”

⁶Ndia te, ala sadia la oe henu nggala ne lai ndia, fo hataholi la mai soona, ala safe ei nala, tunga hataholi Yahudi la ha'da na. Nggala sila la, esa soona, fafa'kama nala oe liter natun esa.

⁷Boema Yesus nafa'da malalau la nae, “Sali oe mahenu nggala sila.” Boema malalau la sali oe lahenu nggala sila la.

⁸Tutika Yesus nafa'das nae, “Ndui ma oe ndia faa anak, fo minin leo malanga feta neu.” Boema malalau la, ala ndui la oe ndia faa anak, de linin leo malanga feta neu,

⁹de nalamein te, oe ndia nasafali da'di angol so. (Tehu ana ta bubuluk, angol ndia neme bee mai fa, ka'da malalau manasali oe la nde bubulu kana.) Boema malanga feta neu leo tou manaka'bi nga neu de,

¹⁰nafa'dan nae, “Tunga ita ha'da na soona, fe hataholi la linu lakahuluk angol mala'da, fo metema linu lakabete soona, besa ka fes linu angol ta mala'da fa. Tehu tolanoo ka pe'da mahele angol mala'da ia de besa ka tolanoo ka fe hataholi la linu!”

¹¹Yesus tao manda'di beuk makasososa ka nde ndia. Fo Ana taon neme nggolo Kana nai Galilea. Yesus natu'du matua-mademan, tunga manda'di beuk ndia. No enok ndia, de ana manatungan nala lamahelen.

¹² Basa ndia boema, Yesus no inan ma tolanoo nala, boema ana manatungan nala fali leo Kapernaum leu. Ala leo leme ndia, faik de'ubee dale na.

¹³ Hataholi Yahudi la Fai Paskah na deka boema, Yesus neu leo Yerusalem neu.

¹⁴Ana losa boema, neu leo Manetualain Uman dale neu, te nita hataholi la lase'o sapi, bi'ilopo ma kalua sina nai Manetualain Uman dale; boema hataholi manatuka doi kala boeo, lai ndia boe.

¹⁵Boema Yesus tatali na tali ue esa, de Ana usiheni bi'ilopo la ma sapi sila la, leme Manetualain Uman dale mai. Boema Ana tipa nalenga-natono hataholi manatuka doi kala mei na, de doi nala tonggela leo basa mamanak lala'e na leu

¹⁶Boema nafa'da hataholi manamase'o kalua sina la nae, “So'uheni basa ia la leme ia mai. Fo boso tao Au Amang Uma na da'di mamana dangan!”

¹⁷ Boema ana manatunga nala lafandele Susula Malalao ka baba'en esa nae, “Au dale susue-lalaing neu O Uma ma, ou Manetualain, ana hotu Au dale nga.”

¹⁸Basa manakoasa Yahudi la, ala la'ban Yesus lae, “So'ba O tao fe ami manda'di beuk esa, fo ana da'di buti nae, O hapu hak tao leo iak.”

¹⁹ Boema Yesus nafa'das nae, “Tao matu'u Uma ia leona, fo Au afofo'a fali kana, ka'da nai faik telu dale na.”

²⁰Boema lafa'da Yesus lae, “Ami mafofo'a Manetualain Uman ia, teuk hahulu ne dale na. Tehu O mae, O mafofo'a fali kana ka'da nai faik telu dale na?”

²¹Te se'ko na Manetualain Uman fo Yesus nafa'dak ndia, nde aoina na.

²²Hu ndia de, neu makabui na, de Yesus naso'da falik neme mamate sa mai boema, besa ka ana nala lafandele, Yesus nafa'da hai dede'ak ndia so. Boema lamahele hata fo nanasulak nai Susula Malalaok dale, ma hata fo Yesus nafa'dak ndia.

²³Feta Paskah losa so, te Yesus bei nahele nai Yerusalem, boema Ana tao manda'di beuk ba'u ka, de nalosa hataholi ba'u ka lamahelen.

²⁴Tehu Yesus ta namahele fas, nanahu Yesus nalelak basa hataholi lala'ena, dale nala.

²⁵Ta paluu hataholi nafa'da mangalele'do hataholi esa boen, la'eneu Yesus fa, nana Ana bubuluk basa hataholi daebafa ka dale na so.