Read Termanu KOLOSE 3 Bible Online

KOLOSE 3 - Termanu bible

KOLOSE 3

¹ Emi nanatao naso'da falik sama-sama mo Kristus so. Hu ndia de, emi muse sanga enok soaneu emi hapu hata manai nusa so'da ka, fo nai bee Kristus paleta sama-sama no Manetualain.

²Tao emi dudu'a-aafim neu dede'ak manai nusa so'da ka, fo boso dudu'a-dodoo dede'ak manai daebafa ka.

³Nanahu emi mate basa so de, emi so'da ma nananafunik sama-sama no Kristus, nai Manetualain dalek.

⁴Ma nai lelek fo Ana natu'du seluk ao ina na soona, emi boeo nananitak, emi mandela-masa'a sama na leo Ndia boe!

⁵Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

⁶Dede'a matak leo sila kala nde, tao la Manetualain namanasa hataholi fo ta mana tunga nana fa.

⁷Makahulu na, emi boeo tunga hihii-nanau mangalauk sila la, ndek lelek fo ana bei koasa emi a.

⁸Tehu besak ia, ela leo bee na emi tu'u-tapa heni basa mangalauk sila la, neme emi dalem dale mai: fo nde, boso boe mamanasa bai, do makasese'bok do mape'da dalek neu hataholi. Boso kalua dede'a-kokola dodoki-aalik do dede'a manggenggeok neme emi bafam dale mai makandondook.

⁹ Esa boso nasapepeko-nasandandali esa boen, nana emi tu'u-tapa heni so'da palaa ka no basa ha'da-paliin lala'ena so.

¹⁰ Besak ia, emi hapu so'da beu ka de, emi da'di hataholi beuk so. Mana makadada'dik emi a, fo Manetualain, Ana tao nabebeu emi nakandoo, tunga Ndia mata aon. Dede'ak ia tetee-tutu'dan nae, fo ela emi malelak Manetualain no matetu-mandaak.

¹¹Basa dede'ak sila la mate'e na nde, leomae hataholi Yahudi do hataholi ta Yahudi, hataholi nanasunat do hataholi nanasunat beitaak, hataholi manamai do hataholi malela ha'da tak, ata do malangan boeo, basa-basas sama, nanahu Kristus nde basa hata lala'e na, ma Ana da'di esa no basa hata lala'e na!

¹² Tolanoo ka nde bee na. Manetualain hataholi kamahehelen Manetualain Ana sue-lai emi, boema Ana hele emi da'di Ndia nuu hehelein. Hu ndia de, emi muse matu'du susue-lalaik, emi dale ma muse malole, emi manuu dale nakaloloe-nakadae aok, dale mangana'uk, ma makatatakak doidosok.

¹³ Esa boso hae lai namanasa esa boen, esa fe do'o do ampon neu esa, metema esa bei nape'da dalek no esa. No namahokok. Lamatua ka ana fe do'o do ampon neu emi so.

¹⁴Tehu nanapaluuk nanseli a, nde: Emi muse masue-malai ao, nana susue-lalaik ndia nde pa'a nakabubua emi basa-basa mala, nalosa emi da'di matetu-mandaak.

¹⁵Ela leo bee na, mole-dame fo Kristus fen nai emi dalem dale a, nde naketu basa emi nakeketum lala'ena. Nana Manetualain nalo emi, soaneu emi da'di lima-eik neme aok esa mai, fo ela emi maso'da nai mole-dame fo maneme Kristu sa mai a. Ela leo bee na, emi moke makasi neu Lamatua ka.

¹⁶ Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

¹⁷Basa hata fo emi tao-no'in, do emi kokola kana, emi muse taon ma kokola kana ninik Lamatuak Yesus na'de na. Moke makasi neu Amak Manetualain soaneu hata fo Yesus tao-no'in neu emi a.

¹⁸ Tolano-tolanoo saoina kala lemin! Makatele neu emi saotou ma, nana hataholi kamahehele kala ha'da tataon muse leondiak.

¹⁹ Tolano-tolanoo saotou kala lemin! Sue-lai emi saoina mala. Boso tao balakaik neus.

²⁰ Ni'i ana la lemin! Emi da'di hataholi kamahehelek soona, emi manuu bela-ba'uk soaneu tunga ina amak paleta na tataas esa, nana hada-tataok leondia ka nde, nandaa no Manetualain dale na.

²¹ Tolano-tolanook fo mana da'di amak kala lemin! Boso tao makahehe'dik emi ana mala dale na, fo boso nalosak ketu namahehena nala.

²² Tolano-tolanook fo mana da'di ata la lemin! Ela leo bee na, nai basa dede'ak lala'ena dalek, emi tunga emi malangam manai daebafak ia paleta na. Boso tunga paleta nala, ka'da nai lelek fo emi malanga ma nanea emi a, fo sue ka nde emi malanga ma, ana koa-kio emi. Tunga paleta nala no dale katema tuak, hu ka nde emi fe ha'da-holomata neu Lamatuak Yesus.

²³Ladenu emi tao-no'i su'di tatao-nono'i beek ndia boe, ela leo bee na emi tao-no'in no dale katema tuak, nono'ka bai de emi malalau-maoono Lamatua ka nde ndia, te emi ta malalau-maoono ka'da hataholi daebafa ka fa.

²⁴Mafandendelek te, neukose emi sipo ngga'di neme Lamatua ka mai. Hata fo Lamatua ka sadia basan soaneu hataholi kamahehele nala, neukose ndia nde Ana fen neu emi a. Nanahu malanga matetu-mandaak fo emi malalau-maoono ka nde, Kristus mesa kana.

²⁵ Ma see tao salak soona, ana lu'a-lepa aon salak ndia; nanahu Lamatua ka ta metematak fa.