Read Ebaibuli 1961 Ageun 12 Bible Online

Ageun 12 - Ebaibuli 1961 bible

Ageun 12

¹ Kotema EJAKAIT Aburam atiar, “Konyou kakwapukon, koinacanakon, kotogo loka papakon, kolot akwap naketodikini jo;

² Ketuluori moolo areker napeti, kesirereŋenenei, etopoloori ekonikiror; korau ijo arereŋ.

³ Esirereŋi kes lukisirerenete jo, ido ŋin yenikikenokini jo ekeni eoŋ da ŋes: kotomakon ŋes erereneorotor ikalia kere luka akwap.”

⁴Kwaŋin kolot Aburam, kwape kelimokinia ŋes EJAKAIT: kolot Lot nepepe kaŋes: kedaunit Aburam ikar akaisakanykaarei ka lukany nakenyounio koKaran.

⁵ Koyaŋa Aburam akeberu Sarai, ka Lot okoku loka onaceke, ka ikeceboro kere luatukokinitos, ka ituŋa luapotu kodumut koKaran; konyout alosit akwap naka Kanaan; kodolot akwap naka Kanaan.

⁶ Kitor Aburam akwap kodol aibois naka Sekem, neejai elua loka More. Kojai Ekanaanit akwap kapaarasia kaŋun.

⁷ Kitaanyikin EJAKAIT Aburam, kotema atiar, “Ainakini rwaru akoniwur akwap na.” Kodukok etem nen neejai EJAKAIT, lokitaanyikin ŋes.

⁸Konyou kolot oroŋat kari nakokide naka Bet-el, kibubuk ekewema, kojai Bet-el to, Ai da kide: kodukok etem nen neejai EJAKAIT, kiwone ekiror loka EJAKAIT.

⁹ Konyou Aburam kiyatak akelosit kari naka Eŋalakimak.

¹⁰ Kojai ebeli kakwap: kolot Aburam Misiri aiboi ŋina; naarai kepol ebeli kotoma akwap.

¹¹ Kosodi eapie ŋes alomari Misiri, kotema akeberu Sarai atiar, “Koany, ajeni jo irai aberu naatemel:

¹² Aso kiianyut jo Imisirian etemarete kesi atiar, ‘Na ŋes akeberu’: ido kaarete eoŋ, konye kinyekinete jo ijari.

¹³ Keŋaiŋait jo, kotema ebe irai ijo kinacika: tetere adumun ajokis kanukon, kajara da kanukon.”

¹⁴Kosodi kedol Aburam Misiri, koanyut Imisirian aberu itemelel noi.

¹⁵ Koanyut ŋes ijaka luka Parao: kituro ŋes kaneejai Parao; koyaŋaarai aberu togo loka Parao.

¹⁶Kikonak ŋesi Aburam ejok kanuke: kojaas ŋes amerekekin, ka imoŋin, ka isigirian, ka ibulesin, ka abulesin, ka asigirian, ka akaalai.

¹⁷ Kitican EJAKAIT Parao ka lukokaleke kaicaneta nukos kanuka Sarai aberu naka Aburam;

¹⁸ Konyarau Parao Aburam kotema atiar, “Anyoika nu nukiswamak eoŋ? Inyo bo mam kilimokinia eoŋ kwape eraar ŋesi akoniberu?

¹⁹Kanukinyo itemaria ebe, ‘Erai ŋesi inacika,’ tapi eoŋ ayaŋaari aituluor ŋes akaberu? Aso do akoniberu ŋin, koyaŋa, kolot.”

²⁰Kicorak Parao ituŋake: kinyamakis ŋes orot, ka akeberu, ka iboro kere lukejaas kaŋes.