Read Ebaibuli 1961 Ageun 14 Bible Online

Ageun 14 - Ebaibuli 1961 bible

Ageun 14

¹ Kosodi kapaarasia nuka Amurapel ekabaka loka Sinar, ka Ariok ekabaka loka Elasar, ka Kedolaomer ekabaka loka Elam, ka Tidal ekabak loka Goim.

² Kojioto ka Bera ekabaka loka Sodom, ka Birusa ekabaka lok Gomora, ka Sinab ekabaka loka Aduma, ka Semeber ekabaka loka Seboiim ka ekabaka loka Bela (ŋes Soar).

³ Kimorikikinos ŋul kere aditot nak Sidim (ŋin ŋes Aŋolol naka Abalaŋ).

⁴Apotu kijaanakis Kedolaomer ika itomon ka luarei, kokaru lokitomonet kauni kipaliikis.

⁵Kokaru lokito monet kaoŋon kobu Kedolaomer ka ikabakan lukejaas nepepe kaŋes, kitijiot Irepain kotoma Asuteros-karunaim, ka Isusin kotoma Kam, ka Iyemii kotoma Sabe-kiriataim.

⁶Ka Ikorin toma omorukec Seir, aitodol El-parar naapie kamodiŋ.

⁷ Koboŋosi, kodoloto En-misupat (ŋes Kades), kitijiot akwap kere naka Imalekain ka naka Imorain da lueboienenete Kasason tamar.

⁸Koloma ekabaka loka Sodom, ka ekabaka loka Gomora, ka ekabaka loka Aduma, ka ekabaka loka Seboiim, ka ekabaka loka Bela (ŋes Soar) kiderakinos ejie kakes kaditot naka Sidim;

⁹ejie ka Kedolaomer ekabak loka Elam, ka Tidal ekabaka loka Goim, ka Amurapel ekabaka loka Sinai ka Ariok ekabaka loka Elasar; ikabakan iwoŋon kojioto ka ikabakan ikanj

¹⁰ Ido aditot naka Sidim eleleba apanya nuka erit; kokerata ikabakan luk Sodom ka Gomora, kibironokinos nen, ka luakuete kokereasi oroŋai

¹¹Koŋatasi iboro kere lukotoma Sodom ka Gomora, ka inyamatakec kere kolototo.

¹² Koŋatasi Lot, okoku loka onaceke ka Aburam, loeboienene koSodom, ka iboroke, kolototo.

¹³ Kobu ediopet loabu koku, kolimok Aburam Eburaniat: ŋol loeboienenei kaneejaas iluan luka Mamure Emorait onaceke ka Esukol, ido onac loka Aner; kes da etutukitos Aburam.

¹⁴ Kepupu Aburam ebe anata onaceke, kolot ka ituŋake luetuutooritai ejie, akwat auni ka itomon k lukanykauni, luaurikinio togoke, kotupasi aitodol Dan.

¹⁵Kotiakas asurc kin kes kuare, ŋes ka ikekejaanakinak kitijioto, kotupasi aitodol Koba, loejai akan nakokediany nakoDamasek.

¹⁶ Kinyaku iboro kere, kinyaku onaceke da Lot ka iboroke, aŋor da, ka ituŋa.

¹⁷ Kolomu ekabaka loka Sodom, airiamun kaŋes, kedau aboŋun kajar Kedolaomer ka ikabakan luajaas kaŋes, kotoma aditot naka Sabe (ŋes aditot naka ekabaka).

¹⁸ Melukisedek da, ekabaka loka Salem koyaŋau inyamat ka ajon: ido kerai esasedoti loka Edeke Loejai kuju kakuj.

¹⁹Kilipak ŋes arereŋ, kotema atiar, “Edeke Loejai kuju kakuj, Elopet akuj ka akwap kisirereŋ Aburam.

²⁰ Kituritete Edeke Loejai kuju kakuj, Lokikorak lukasurupokon akanikon!” Koinak Aburam ŋes idiopet kotomon yenika kere.

²¹Ekabaka loka Sodom kotema Aburam atiar, “Koinakinai eoŋ ituŋa, koyaŋa ijo iboro.”

²² Kotema Aburam ekabaka loka Sodom atiar, “Ario akakan mama ejai EJAKAIT, Edeke Loejai kuju kakuj, elopet akuj ka akwap,

²³ ebe, Mam ayaŋaari auno karaida irukan yenikamuk, karaida ŋinibore kere yenijaatar, kinyek einer ebe, ‘Etabar Aburam’.

²⁴Dimarai ŋulluanyamata ikatumunak, ka akorakinet naka ituŋa lukilosi keoŋ, Aner, ka Esukol, ka Mamure, koyaŋaasi ŋul akorakinetakec.”