Read Ebaibuli 1961 Ageun 35 Bible Online

Ageun 35 - Ebaibuli 1961 bible

Ageun 35

¹ Kotema Edeke Yakob atiar, “Konyou, kolot Bet-el, kiboikin ŋina: kodukok ŋina etem loka Edeke, loabu kitaanyikin jo naikeria kakonyen nuka onacekon Esau.”

² Kosodi kotema Yakob lukokaleke, ka ŋul kere lukejaas kaŋes atiar, “Kolemasi idekesio lukacekwapin luijaatatar, kitalaunos, kiloco ikusinapen;

³ Kanyoutu, kaloto Bet-el; adukokini eoŋ da ŋina etem loka Edeke, loabu kaboŋok kapaaran naka icanika, loajaenena keoŋ korot loetorenenei.”

⁴ Koinakis Yakob idekesio lukacekwapin kere lukejaas akaninikec, ka itetio lukejaas akikec; kibwa Yakob kes kokwap kelua lokeapie koSekem.

⁵ Kolototo: kojai akurian naepol oreria luerimoritos kes, mam apotu kibwapakis idwe luka Yakob.

⁶ Kwaŋin kodolo Yakob Lus, naejai akwap naka Kanaan (ŋin ŋes Bet-el), ŋes ka ituŋa kere lukejaatar.

⁷ Kodukok nen etem, komaik aibois El-bet-el: [27] naarai nen etakanikinor Edeke, naakeria kakonyen nuka onaceke.

⁸ Kotwana Debora akasaan naka Rebeka, kidaikinai kwap naka Bet-el kwap kelua: komaikinai ekiror Alon-bakut.[28]

⁹ Kitaanyikin bobo Edeke Yakob, nakebunio koPadan-Aram, kisirereŋ ŋes.

¹⁰ Kotema Edeke ŋes atiar, “Ekonikiror Yakob: mam bobo kinyaritai Yakob, konye do Isirael ŋes ekonikiror.” Komaik ekekiror Isirael.

¹¹ Kotema Edeke ŋes atiar, “Eoŋ Edeke Lokapedor kere: kouriar kiyatakin; ateker ka atukot naka atekerin epote kamakon, elomunete da ikabakan kakuanakon.

¹² Ido akwap naabu kainak Aburaam ka Isaak, kainakini jo, ka akoniwur naetupanakini ainakini akwap ŋin.”

¹³ Konyou Edeke kama ejai kaibois kanaeneratatar kaŋes kolot.

¹⁴ Kosipok Yakob epir kaibois kanaeneratatar kaŋes, epir loka amoru: kobukok ainakinet namatat, kobukok da akinyet.

¹⁵Komaik Yakob aibois naeneratatar Edeke kaŋes ekiror Bet-el.

¹⁶Kobwota koBet-el; eroko ideuna apak edit adolore Epurat: korieb Rakel aidoun naa ti ono noi.

¹⁷ Kosodi erieba ŋesi kanuationor aidoun, kotema akesidon ŋes atiar, “Sirildkurianar; naarai idumuni nat icekoku yenitelepat.”

¹⁸Kosodi kanen, keapu akeijar adaun (naarai abu kotwana), komaik ikoku ekekiror Ben-oni; [29] konye papake komaik ŋes Benyamin.[30]

¹⁹ Kotwana Rakel, konukai korot loalosi Epurat (ŋes Bet-lekem).

²⁰ Kitemok Yakob epir kuju kaketes: ŋes Epir loka ates naka Rakel aitodollolo.

²¹ Kobwot Isirael, kibubuk ewemake juwai loka etogo loeoja noi loka Eder.

²² Kosodi nakiboio Isirael kakwap kaŋin, kolot Reuben kopero ka Bilika aberu naka papake; kiira Isirael ŋun, Emwaasi odwe luka Yakob itomon ka luarei:

²³ Odwe luka Lea; Reuben, ekiyai loka Yakob, ka Simeon, ka Lebi, ka Yuda, ka Isakar, ka Sebulun;

²⁴Odwe luka Rakel; Yosep ka Benyamin.

²⁵Odwe luka Bilika, abulesit naka Rakel; Dan ka Naputali:

²⁶Odwe luka Silupa, abulesit naka Lea: Gad ka Aser: ŋul kes odwe luka Yakob, lukeurio koPadan-Aram.

²⁷ Kodol Yakob mama ejai Isaak papake Mamure, Kiriat-araba (ŋes Keburon), nekiboieneneoto Aburaam ka Isaak.

²⁸Kobut Isaak ikar akwatat ka akaisakanykauni.

²⁹ Kojal Isaak aijar, kotwana, koyaŋaarai mama ejaas iketuŋa, komojon kodaunite ikar luipu: kidaata ŋes odweke Esau ka Yakob.