Read Ebaibuli 1961 Ageun 36 Bible Online

Ageun 36 - Ebaibuli 1961 bible

Ageun 36

¹ Na ŋes aur naka Esau (ŋes Edom).

² Komany Esau akeŋor kotoma apesur nuka Kanaan; Ada akoku naka Elon Ekitit, ka Okolibama akoku naka Ana, akoku naka Sibeon Ekibit.

³ Ka Basemat akoku naka Isimael, kinac naka Nebaiot.

⁴ Ada da kourik Esau Elipas; ka Basemat kourik Reuel;

⁵Okolibama kouri Yeus, ka Yalem, ka Kora: ŋul kes odwe luka Esau lukeurikinio ŋes kakwap naka Kanaan.

⁶ Koya Esau akeŋor, ka ikedwe lusap ka lupesur, ka ituŋa kere lukotogoke, ka ikebaren, ka iketiaŋ kere, ka ikeboro kere, luabu kotukokinite kakwap naka Kanaan; kolot acekwap anyoun kaneajai onaceke Yakob.

⁷ Naarai epu ikeceboro mam apotu kopedosi aiboi nepepe; akwap da nakiboiororotor abu kodidiijiar kanuka ikecebaren.

⁸ Kiboienenei Esau komoru Seir: Esau ŋes Edom.

⁹Na ŋes aur naka Esau papakec loka Iyedomin komoru Seir.

¹⁰ Lu kes ikiroria luka odwe luka Esau; Elipas okoku loka Ada aberu naka Esau, ka Reuel okoku loka Basemat aberu naka Esau.

¹¹Odwe luka Elipas kes Teman, ka Omar, ka Sepo, ka Gatam, ka Kenas.

¹² Timuna ŋes aberu naka Elipas okoku loka Esau; kourik Elipas Amalek; ŋul kes odwe luka Ada aberu naka Esau.

¹³Lu kes odwe luka Reuel, Nakat, ka Sera, ka Sama, ka Misa: ŋul kes odwe luka Basemat aberu naka Esau.

¹⁴Lu kes odwe luka Okolibama akoku naka Ana, akoku naka Sibeon, aberu naka Esau; kourik ŋin Esau Yeus, ka Yalam, ka Kora.

¹⁵Lu kes ijaka luka odwe luka Esau: odwe luka Elipasekiyai loka Esau; ejakait Teman, ejakait Omar, ejakait Sepo, ejakait Kenas.

¹⁶Ejakait Kora, ejakait Gatam, ejakait Amalek: ŋul kes ijaka lualomunete kama ka Elipas kakwap naka Edom: ŋul kes odwe luka Ada.

¹⁷Lu kes odwe luka Reuel okoku loka Esau; ejakait Nakat, ejakait Sera, ejakait Sama, ejakait Misa; ŋul kes ijaka lualomunete kama ka Reuel kakwap naka Edom; ŋul kes odwe luka Basemat aberu naka Esau.

¹⁸Lu kes odwe luka Okolibama aberu naka Esau; ejakait Yeus, ejakait Yalam, ejakait Kora: ŋol kes ijaka lualomunete kama ka Okolibama akoku naka Ana, aberu naka Esau.

¹⁹Ŋul kes odwe luka Esau, ŋul da kes ijakakec: ŋol ŋes Edom.

²⁰ Lu kes odwe luka Seir Ekorit, lueboienenete kakwap; Lotan ka Sobal ka Sibeon ka Ana.

²¹Ka Dison ka Eser ka Disan, ŋul kes ijaka lualomunete kama ka Ikorin, idwe luka Seir kakwap naka Edom.

²²Idwe luka Lotan kes Kori, ka Kemam; kinac naka Lotan ŋes Timuna.

²³Lu kes idwe luka Sobal; Aliban, ka Manakat ka Ebal, ka Sepo ka Onamo

²⁴ Lu kes idwe luka Sibeon; Aia ka Ana: ŋol ŋes Ana loadumuni atanin nuibulubulete akipi nuemwaka komodin, icokie isigirian luka Sibeon papake.

²⁵Lu kes idwe luka Ana; Dison ka Okolibama akoku naka Ana.

²⁶Lu kes idwe luka Dison; Kemudan ka Esaban ka Itiran ka Ceran.

²⁷Lu kes idwe luka Eser; Bilukan ka Saaban ka Akan.

²⁸Lu kes idwe luka Disan; Us ka Aran.

²⁹Lu kes ijaka luelomunete kama ka Ikorin; ejakait Lotan, ejakait Sobal, ejakait Sibeon, ejakait Ana.

³⁰Ejakait Dison, ejakait Eser, ejakait Disan: ŋul kes ijaka lualomunete kama ka Ikorin, kwape ejaatar ikeceiake kakwap naka Seir.

³¹ Lu kes ikabakan luerumito akwap naka Edom, eroko ekabaka kere kiruma idwe luka Isirael.

³²Bela okoku loka Beor kirum Edom; ekiror loka ereke ŋes Dinakaba.

³³Kotwana Bela, kirum Yobab okoku loka Sera loka Bosura aiboisike.

³⁴Kotwana Yobab, kirum Kusam loka akwap naka Itemanin aiboisike.

³⁵Kotwana Kusam, kirum Kadad okoku loka Bedad aiboisike; lokitojie Midian komanikor loka Moab: ekiror loka ereke ŋes Abit.

³⁶Kotwana Kadad, kirum Samula loka Masereka aiboisike.

³⁷Kotwana Samula, kirum Saul loka Rekobot loedunyas ka Ecor aiboisike.

³⁸Kotwana Saul, kirum Baal-Kanan okoku loka Acabor aiboisike.

³⁹ Kotwana Baal-Kanan okoku loka Acabor, kirum Kadar aiboisike: ekiror loka ereke ŋes Pau; ekiror loka aberuke ŋes Meketabel, akoku naka Matured akoku naka Me-sakab.

⁴⁰ Lu kes ikiroria luka ijaka lualomunete kama ka Esau; kwape ejaatar ajenakec, kwape ejaatar akeceiboisio, kwape kikiroriakec: ejakait Timuna, ejakait Aluba, ejakait Yetet;

⁴¹Ejakait Okolibama, ejakait Ela, ejakait Pinon;

⁴²Ejakait Kenas, ejakait Teman, ejakait Mibisar;

⁴³Ejakait Magudiel, ejakait Iram: ŋul kes ijaka luka Edom; kwape ejaatar akeceiboisio kakwap naka airumetekec. Ŋol ŋes Esau papakec loka Iyedomin,