Read Ebaibuli 1961 2 Samuel 21 Bible Online

2 Samuel 21 - Ebaibuli 1961 bible

2 Samuel 21

¹ Kosodi kojau ebeli kapaarasia nuka Daudi, ikar iuni, kaŋolikaru; komo Daudi akonyen nuka EJAKAIT, Kotema EJAKAIT atiar, “Erai akirot naka Saul, ka ekekike loka aokot, naarai abu koar Igibeonin.”

² Konyarau ekabaka Igibeonin einer kakes; (mam Igibeonin araas luka idwe luka Isirael, konye luka luedeuna luka Imorain; apotu idwe luka Isirael kiyapoikis kes: kokoto Saul aiar kes kekokoteke kanuka idwe luka Isirael ka Yuda).

³ Kotema Daudi Igibeonin atiar, “Keswamakinete yes inyo? Aluci da kinyo, tetere ilipakinete airumet naka EJAKAIT arerens”

⁴Kotemasi Igibeonin ŋes atiar, “Mam erai akirot naka epuesa arai esabu kidiŋikosi ka Saul, ka ekekike; mam da kibusakinit isio aiar ituŋanan koIsirael.” Kotema atiar, “Nuinerasi yesi, keswamakini ŋin.”

⁵Kotemasi kesi ekabaka atiar, “Etuŋanan loabu kodau sio, loabu kiner asurokin sio, amudiar sio kinyek asalakin koikoruno kere luka Isirael.

⁶ Kijaikinai sio ituŋa ikanykaarei lukodweke, kikajakini isio kes mama ejai EJAKAIT koGibea loka Saul eseuna loka EJAKAIT.” Kotema ekabaka atiar, “Kainakinete yes.”

⁷ Konye kideu ekabaka Mepiboset, okoku loka Yonatan, okoku loka Saul, kanuka aiyaposit naka EJAKAIT nakejai kidiŋikec, kidiŋ Daudi ka Yonatan okoku loka Saul.

⁸ Konye koyaŋa ekabaka odwe iarei luka Risipa akoku naka Aia, luaurikinit ŋesi Saul, Arumoni ka Mepiboset; ka odwe ikany luka Mikal [5] akoku naka Saul, luaurikinit ŋesi Aduriel okoku loka Barisilai Emekolatit:

⁹ Kijaik kes akanin nuka Igibeonin, kikajakis kes moru kakonyen nuka EJAKAIT, kotwaka kesi lukanykaarei kere: koarai kapaarasia nuka aisak, kapaarasia nusodit, kageunet naka aisak esairi.

¹⁰ Koyaŋa Risipa akoku naka Aia egoe loka epuko, kopesik atiiba, kageunet naka aisak aitodol neabukokinotor kes akip nuapote kotoma akuj; mam abu kocamak akweny nuka apak adolokin kes paaran, karaida itiaŋ luka ais kuare.

¹¹Aponi kolimokinai Daudi nukiswamai Risipa akoku naka Aia, abusiat naka Saul.

¹² Kolot Daudi koyaŋa akojo nuka Saul ka akojo nuka Yonatan okokuke kaneejaas ituŋa luka Yabes-gilead, luapotu kokokoutu kes korot loka Bet-san, kaibois naekaiakiniata Ipilisitian kes, kapaaran nakeariata Ipilisitian Saul koGiliboa.

¹³Koyau ŋesi kaŋina akojo nuka Saul ka akojo nuka Yonatan okokuke; kotukonokisi da akojo nuka ŋul kaluekajakinitai.

¹⁴ Konukata akojo nuka Saul ka Yonatan okokuke akwap naka Benyamin koSela, ates naka papake Kis: kiswamata kere nuecorakinit ekabaka, Akaulo kaŋun kiira Edeke aiŋaiŋaikinio naka akwap.

¹⁵Kojioto Ipilisitian bobo kaluka Isirael; kolot Daudi ka ikekejaanakinak kaŋes, kitiji Ipilisitian: kilworun Daudi.

¹⁶Abu Isibi-benob, lokerai lokodwe luka ekekososon, alaŋir naka akwarake isekelin akwat auni nuka aisinit, anapit ŋesi ekileŋ lokitetet, koomite ebe eari Daudi.

¹⁷ Konye kisigalik Abisai okoku loka Seruia ŋes, kinom Epilisitiat, koar ŋes. Kosodete ituŋa luka Daudi aiyapoikin ŋes atiar, “Mam bobo jo ilomari kasio ojie, kinyek aitudeŋ atala naka Isirael.”

¹⁸ Kosodi kanen, kokau kaŋun, kojau bobo ejie ka Ipilisitian koGob: kosodi Sibekai Ekusatit aiar Sap, lokerai lokodwe luka ekekososon.

¹⁹Kosodi kojau bobo ejie ka Ipilisitian koGob; koar Elanan okoku loka Yaareoregim Ebet-lekemit Goliat Egitit, koputos amorok naka akwarake bala akitoi naesonyere.

²⁰ Kosodi kojau bobo ejie koGat, kejai kanen etuŋanan lokaojan, lokejaas ibokor ikanykape kaninikan, ka ibokor ikanykape kaninikeje, emwaasi ibokoroke akaisaarei ka luoŋon; ŋol da aurikinio ekekososon.

²¹Nakemwaŋitor ŋesi Isirael abu Yonatan okoku loka Simei onace loka Daudi koar ŋes.

²²Keurikinio ŋul iwoŋon ekekososon koGat; kibiroros kakan naka Daudi kakan da naka ikekejaanakinak.