Read Ebaibuli 1961 1 Ikabakan 2 Bible Online

1 Ikabakan 2 - Ebaibuli 1961 bible

1 Ikabakan 2

¹ Keapuunito apaarasia nuka Daudi nuka atwanareke; kicorak Solomon okokuke ebe,

² “Alosi eoŋ neelosete lukakwap kere: aso kogogoŋor, kitodiar kwape ekiliokit;

³ Koricenenei akirot naka EJAKAIT Ekonideke, alosenen korotinike, koricenenei ikekisila, ka aicorakinetake, ka itubesiake, ka aitejenunetake, kwape ejaatar nuiwadikatai kokisila luka Musa, tetere ikeriana kaŋun kere nuiswamai, ka neibelonokinor kere:

⁴ Tetere itogogoŋi EJAKAIT akekirot naenera kamaka ebe, ‘Arai ecoito ikonidwe erotokec, alosenen kakonyeneka kabeit kitauonokec kere, kaijarakec kere, (abala ŋesi ebe) Mam kimamikini ijo etuŋanan loirumi ajakanut naka Isirael.’

⁵ “Bobo da ijeni ijo da nuabu Yoab okoku loka Seruia keswamak eoŋ, nuabu ŋesi kiswamak ikapolok luarei luka ajoresio nuka Isirael, Abiner okoku loka Ner, ka Amasa okoku loka Yeter, luaari ŋesi, kobuko aokot nuka ejie kapak naka ainapakin, kojukok aokot nuka ejie arokobake naaenikinit kaŋabeteke, toma amukake da nuajaas akejeke.

⁶ Aso kiswama ijo kwape ejaar acoakon, sirikiyu akekou naabwaŋut akorwo alomar okatwak inapakina.

⁷ Konye kitodik odwe luka Barisilai Egileadit asianut, koraut kesi kaŋul kaluenyamete komesakon: naarai apotu kesi kekonakis eoŋ kwaŋin naakerea eoŋ Abisalom onacekon.

⁸ Ido koany, ejai Simei okoku loka Gera, Ebenyamenit loka Bakurim mamakon, loabu kelam eoŋ elamit loerono kapaaran naalosia Makanaim: konye abu ŋesi kobu airiamakin keoŋ Yorodan, keyapoik ŋes kalimite EJAKAIT ebe, ‘Mam kaari jo kekileŋ.’

⁹ Aso do siriwomit ebe mam ŋes egwaunit akirot, naarai ico ijo; ijenuni da nuibusakinit aiswamakin ŋes, itolomari kaokot akekou naabwaŋut akorwo ates.”

¹⁰ Kojotor Daudi kalukapapaake, kidaikinai ore loka Daudi.

¹¹ Apaarasia da nuerumitor Daudi Isirael emwaasi ikar akaisaoŋon: kirum ŋesi ikar ikanykaarei koKeburon, kirum da ikar akaisauni ka luuni ko Yerusalem.

¹² Kiboikin Solomon oicoloŋ loka Daudi papake; kicat noi akejakanut.

¹³ Kosodi Adoniya okoku loka Kagit abunore mama ejai Bat-seba toto naka Solomon. Kotema ŋin ŋes atiar, “Ibunit ijo kainapakin?” Kotema atiar, “Kainapakin.”

¹⁴Ido kotema atiar, “Ejaas nuakoto einer kajo.” Kotema ŋin atiar, “Kiner cani.”

¹⁵ Kotema atiar, “ijeni ijo ebe kerai ajakanut nakaŋ, kasesenete eoŋ luka Isirael kere tetere erumi: konye ebelokin ajakanut, araun naka onaceka: naarai kerai nake kama ka EJAKAIT.

¹⁶Kwana da kelipit jo adiopekirot, sirikiner.” Kotema ŋin ŋes atiar, “Kiner cani.”

¹⁷ Kotema atiar, “Keŋaiŋait, kilip Solomon ekabaka, (naarai mam ŋes kiŋerokin jo) kakorak Abisag Asunamit kerum.”

¹⁸Kotema Bat-seba atiar, “Aso ejok; enerakini akonikiro mama ejai ekabaka.”

¹⁹ Kanuka ŋun abu Bat-seba koloma mama ejai ekabaka Solomon ailipakin Adoniya. Konyou ekabaka airiamakin kaŋes, kokukum kamake, kiboikin oicoloŋoke loka ajakanut, kicorak aibwaikin eicoloŋ loka toto naka ekabaka; kiboikin ŋesi akanike nakoteten.

²⁰Kosodi ŋin atemar atiar, “Kelipit jo adiopekirot: sirikiner.” Kotema ekabaka ŋes atiar, “Kilip, toto, naarai mam eoŋ kaŋerokini jo.”

²¹Kotema ŋes atiar, “Kokorakinai Abisag Asunamit onacekon Adoniya airum.”

²² Koboŋok ekabaka Solomon totoke ebe, “Kanukinyo ilipia ijo Abisag Asunamit akorakinio Adoniya? Kilipakini ŋes ajakanut da; naarai erai onaceka lokapolon; kilipak ŋes, ka Abiatar esasedoti, ka Yoab okoku loka Seruia da.”

²³ Kosodi ekabaka Solomon aiyapo elimit EJAKAIT ebe, “Keswamak Edeke eoŋ kwaŋin ka adepar da, arai mam Adoniya elimunit akirot ŋin itia akeijar.

²⁴ Aso do, kwape ejaria EJAKAIT, loabu keticat eoŋ, kesiboik oicoloŋ loka Daudi papaka, loabu kadumak eoŋ ekal, kwape kisumunio, abeit eario Adoniya lolo.”

²⁵Kijuka ekabaka Solomon kakan naka Benaia okoku loka Yekoiada; kinom ŋes, kotwana.

²⁶ Abu ekabaka kotema Abiatar esasedoti atiar, “Kolot Anatot, alupokon; naarai ibus ijo atwanare: konye mam eoŋ kaari jo kwana, naarai ibu kodak asaduku naka EJAKAIT Edeke kakonyen nuka Daudi papaka, ido naarai kiticanitoi jo kaŋun kere nukiticanete papaka.”

²⁷ Kwaŋin kireŋea Solomon Abiatar kinyek araun esasedoti mama ejai EJAKAIT; tetere itodolikini akirot naka EJAKAIT, naabu kiner nuka ekek loka Eli koSilo.

²⁸ Kopup Yoab ŋun; naarai abu Yoab kotup Adoniya, konye mam abu kotup Abisalom. Koker Yoab owema loka EJAKAIT, kikam amumwara nuka etem.

²⁹Aponi kolimokinai ekabaka Solomon ebe, “Aker Yoab owema loka EJAKAIT, ido koany, ejai ariri ketem.” Kosodi Solomon aijukar Benaia okoku loka Yekoiada ebe, “Kolot, koar ŋes.”

³⁰Kobu Benaia owema loka EJAKAIT, kotema ŋes atiar, “Inera ekabaka kwanata ebe, ‘Kolom.’ ” Kotema atiar, “Mam; konye atwanikini ne.” Kinyak Benaia akirot mama ejai ekabaka ebe, “Ebala Yoab kwaŋin, ido kaboŋok eoŋ kwaŋin.”

³¹ Kotema ekabaka ŋes atiar, “Kiswama kwape ebalar, koar ŋes, konuk ŋes; tetere ilemari aokot nuabu Yoab kobuko komam akirot, kamakaŋ, ka ekek loka papaka.

³² Kitebeik EJAKAIT aokotoke akouke elopet, naarai abu kinom ituŋa iarei luedolito ka luejok adepar ŋes, koar kes kekileŋ, komam papaka Daudi ejeni, kes Abiner okoku loka Ner, ekapolon loka ajore naka Isirael, ka Amasa okoku loka Yeter, ekapolon loka ajore naka Yuda.

³³ Kwaŋin kobeikis aokotokec akou naka Yoab, kakwes da nuka aurike ikar kere: konye mama ejai Daudi, ka aurike, ka ekekike, ka eicoloŋoke loka ajakanut, ejaun ainapakin naebuni kama ejai EJAKAIT ikar kere.”

³⁴ Kosodi Benaia okoku loka Yekoiada alosit, kinom ŋes, koar: konukakinai togoke modiŋ.

³⁵ Kodakak ekabaka Benaia okoku loka Yekoiada ayait ajore aiboisike: kodakak ekabaka Sadok esasedoti aibois naka Abiatar.

³⁶ Kijuka ekabaka konyarau Simei, kotema ŋes atiar, “Kodukok etogokon Yerusalem, kiboienen kanen, sirikilom alosit nenice.

³⁷ Naarai apaaran nailomaria, adokar aguurut Kiduron, kojenu cut ebe abeit itwani; ebeikinete aokotokon akoukon.”

³⁸Kotema Simei ekabaka atiar, “Iner ejok: kwape ebalar ejakaitika ekabaka, iswamai kwaŋin ekonikejaanakinan.” Kiboienenei Simei ko Yerusalem apaarasia nuipu.

³⁹ Kosodi kanen, ketuboros ikar iuni, apotu ibulesin iarei luka Simei kosiata neejai Akis, okoku loka Maaka, ekabaka loka Gat. Kolimokinai Simei ebe, “Koany, ejaas ikonibulesin Gat.”

⁴⁰ Konyou Simei, kopetak lupetan asigiriake, kolot Gat mama ejai Akis, amoot ikebulesin: kolot Simei, koyau ikebulesin koGat.

⁴¹Aponi kolimokinai Solomon ebe anyou Simei koYerusalem alot Gat, Aboŋu da.

⁴² Kijuka ekabaka konyarau Simei, kotema ŋes atiar, “Mam abu kesiyapo jo kolimite EJAKAIT, ketogogoŋ da kamakon ebe, ‘Kojen cut ebe apaaran ŋin nailomaria, ilosi nenice, abeit itwani?’ Ibu ijo kolimok eoŋ ebe, ‘Akirot nainera ijo ejok.’

⁴³ Aso kanukinyo mam ibu kidar aiyaposit naka EJAKAIT, ka aicorakinet naabu kecorak jo?”

⁴⁴ Ido kotema ekabaka Simei atiar, “ijeni ijo aronis naipupi otaukon, nakiswamakinit ijo Daudi papaka: kanuka ŋun inyakakini EJAKAIT akonironis akoukon.

⁴⁵ Konye isirereŋio ekabaka Solomon, iticasio da eicoloŋ loka Daudi kakonyen nuka EJAKAIT ikar kere.”

⁴⁶Aso kicorak ekabaka Benaia okoku loka Yekoiada; koloma, kinom ŋes, kotwana.