Read Ebaibuli 1961 1 Aisiitonokin 14 Bible Online

1 Aisiitonokin 14 - Ebaibuli 1961 bible

1 Aisiitonokin 14

¹ Kijuka Kiram ekabaka loka Turo ikiyakia mama ejai Daudi, ka ikito luka eres, ka ikadukok kamor, ka ikekeok, adukokin Daudi etogo.

²Kojen Daudi ebe abu EJAKAIT kiticat ŋes araun ekabaka loka Isirael, naarai kitopolooritete akejakanut, kanuka iketuŋa Isirael.

³ Komany Daudi aceŋor koYerusalem: kouri Daudi icedwe lusap ka lupesur.

⁴ Lu kes ikiroria luka idwe luaurikinio ŋes koYerusalem; Samua, ka Sobab, ka Natan, ka Solomon;

⁵ka Ibar, ka Elisua, ka Elipelet;

⁶ka Noga, ka Nepeg, ka Yapia;

⁷ka Elisama, ka Beeliada, ka Elipelet.

⁸ Kepuput Ipilisitian ebe enyonyoikin Daudi akinyet araun ekabaka loka Isirael kere, koloto Ipilisitian kere amoot Daudi; kopup Daudi, kolot asurokin kes.

⁹ Apotu Ipilisitian kopotu koŋatata kaditot naka Repaim.

¹⁰Kiŋit Daudi Edeke ebe, “Alosi kereka eoŋ aitiji Ipilisitian? Kijaikini ijo kes akanika?” Kotema EJAKAIT ŋes atiar, “Kolot; naarai ejaikini kes akanikon.”

¹¹Kopotu Baal-perasim, kodany Daudi kes kaŋina; kotema Daudi atiar, “Acil EJAKAIT lukasurupoka kakanika, kwape eciliata akip.” Ŋes amaikinere aibois ŋin Baal-perasim, [2]

¹²Kinyekis idekesiokec kanen; kicorak Daudi, aponi kicweikinai kakim.

¹³ Kopotu bobo Ipilisitian aiŋat kaditot.

¹⁴ Kiŋit bobo Daudi Edeke; kotema Edeke ŋes atiar, “Mam ilosi atupakin kes: kiwarak kes, kobunok kaneejaas ikito luka baka.

¹⁵Ejaun kwanata ebe, Kipup ijo eporoto loka lueraeete alosit kokuju kikito luka baka, kosodi konyet alosit ejie: naarai kiŋarenikinit Edeke aidany ajore naka Ipilisitian.”

¹⁶ Kiswama Daudi kwape ecorakinia EJAKAIT: kodanyata ajore naka Ipilisitian anyoun koGibeon kiton Geser.

¹⁷ Kisiarakin eemuto loka Daudi akwapin kere; koinak EJAKAIT atekerin kere akurianar ŋes.