Read Ebaibuli 1961 1 Aisiitonokin 24 Bible Online

1 Aisiitonokin 24 - Ebaibuli 1961 bible

1 Aisiitonokin 24

¹ Abeanakin naka odwe luka Aaron ŋes na. Odwe luka Aaron; Nadab ka Abiku, ka Eleasar ka Itamar.

² Konye apotu Nadab ka Abiku kotwakata eriŋa papakec, komameete kes idwe; kanuka ŋun kiswamata Eleasar ka Itamar esasedotene.

³Abu Daudi nepepe ka Sadok lokodwe luka Eleasar, ka Akimelek lokodwe luka Itamar kotiak kes kwape ajaar aitemonokin naka aijaanakinikec.

⁴Aponi kodumunai lukapolok luipu lukodwe luka Eleasar adepar odwe luka Itamar; aponi kotiakai kwanata: emwaasi lukodwe luka Eleasar itomon ka lukanykape, lukapolok luka ikekia luka lukapapaakec; ka lukodwe luka Itamar kwape ajaatar ikekia luka lukapapaakec emwaasi ikanykauni.

⁵ Aponi kotiakai koroet kopone ediopet kere; naarai kejaas ikapolok luka kibois nakalaunan, ka ikapolok luka Edeke, lukodwe luka Eleasar, ka lukodwe luka Itamar da.

⁶ Abu Semaia okoku loka Netanel ekewadikan, lokerai loka Ilebin, kiwadik kes kakonyen nuka ekabaka, ka ikapolok, ka Sadok esasedoti, ka Akimelek okoku loka Abiatar, ka Ikapolok luka ikekia luka lukapapaakec luka isasedotin ka Ilebin; aponi kolemunai ekek ediopet loka lukapapaakec luka isasedotin ka Ilebin; aponi kolemunai ekek ediopet loka lukapapaakec kanuka Eleasar, ka ediopet kanuka Itamar.

⁷ Kobeik eroet losodit Yekoiarib, lokiareit Yedaia;

⁸ Lokiwuniet Karim, lokiwoŋonet Seorim;

⁹Lokikanyet Malikiya, lokikanyetekape Miyamin;

¹⁰ Lokikanyetekaarei Kakos, lokikanyetekauni Abiya;

¹¹Lokikanyetekaoŋon Yesua, lokitomonet Sekania;

¹²Lokitomonet ka lodiopet Eliasib, lokitomonet kaarei Yakim;

¹³Lokitomonet kauni Kupa, lokitomonet kaoŋon Yesebeab;

¹⁴Lokitomonet kakany Biliga, lokitomonet kakanykape Imer;

¹⁵Lokitomonet kakanykaarei Kesir, lokitomonet kakanykauni Kapises;

¹⁶Lokitomonet kakanykaoŋon Petakia, lokakaisaarei Yekesikel;

¹⁷Lokakaisaarei ka lodiopet Yakin, lokakaisaarei ka luarei Gamul;

¹⁸Lokakaisaarei ka luuni Delaia, lokakaisaarei ka luoŋon Maasia.

¹⁹ Ŋin ŋes abeanakinikec kaijaanakinikec, alomar togo loka EJAKAIT kwape ajaar aicorakinet naainakinitai kes kama ka Aaron papaakec, kwape ecorakinitor kes EJAKAIT, Edeke loka Isirael.

²⁰ Luka luedeunos lukodwe luka Lebi: lukodwe luka Amuram, Subael; lukodwe luka Subael, Yedeia.

²¹ Luka Rekabia: lokodwe luka Rekabia, Isia lokapolon.

²² Luka Isarin, Selomot; lokodwe luka Selomot, Yakat.

²³ Odwe luka Keburon; Yeria lokapolon, Amaria lokiareit, Yakasiel lokiwuniet, Yekameam lokiwoŋonet.

²⁴Odwe luka Usiel, Mika; lokodwe luka Mika, Samir.

²⁵Onace loka Mika, Isia: lokodwe luka Isia, Sekaria.

²⁶ Odwe luka Merari; Mali ka Musi; odwe luka Yaasia; Beno.

²⁷Odwe luka Merari; luka Yaasia, Beno, ka Sokam, ka Sakur, ka Ibiri.

²⁸ Loka Mali; Eleasar, loamameete idwe lusap.

²⁹Luka Kis; odwe luka Kis, Yerameel.

³⁰ Odwe luka Musi; Mali, ka Eder, ka Yerimot. Ŋul kes odwe luka Ilebin kwape ajaatar ikekia luka lukapapaakec.

³¹Ŋul da apotu kilamilamata kwape kiinacanakec odwe luka Aaron kakonyen nuka Daudi ekabaka, ka Sadok, ka Akimelek, ka ikapolok luka ikekia luka lukapapaa luka isasedotin ka Ilebin; ikekia luka lukapapaa luka lokapolon kwape ka ŋul luka onaceke lodidi.