Read Ebaibuli 1961 1 Aisiitonokin 4 Bible Online

1 Aisiitonokin 4 - Ebaibuli 1961 bible

1 Aisiitonokin 4

¹ Odwe luka Yuda; Peres, Kesuron, ka Karumi, ka Kur, ka Sobal.

²Reaia okoku loka Sobal kouri Yakat; Yakat kouri Akumai ka Lakad. Ŋul kes ikekia luka Isoratin.

³Lu kes luka papa loka Etam; Yesereel, ka Isima, ka Idibas: ekiror loka inacikec Kaseleleponi:

⁴ka Penuel papa loka Gedor, ka Eser papa loka Kusa. Ŋul kes odwe luka Kur, ekiyai loka Epurata, papa loka Bet-lekem.

⁵Ajaas Asur papa loka Tekoa aŋor aarei, Kela ka Naara.

⁶Kourik Naara ŋes Akusam, ka Keper, ka Temeni, ka Kaaka-sitari, Ŋul kes odwe luka Naara.

⁷Odwe luka Kela Seret, ka Isar, ka Etinan.

⁸Kakos kouri Anub, ka Sobeba, ka ikekia luka Akarel okoku loka Karum.

⁹ Kitopolooritete Yabes aitelekarit iinacanake: komaik totoke ekekiror Yabes ebe, “Naarai kedou ŋes kaiturur.”

¹⁰ Kiwone Yabes Edeke loka Isirael ebe, “Wu okwe arai kisirereŋ ijo eoŋ kabeit, kitalal eikoruka, kojaenena akanikon keoŋ, kidar eoŋ karonis, komam eyauni aiturur mamakaŋ!” Kocam Edeke nuabu ŋesi kilip.

¹¹Kelub onace loka Suka kouri Mekir, loarai papa loka Esiton.

¹²Esiton kouri Bet-rapa, ka Pasea, ka Tekina papa loka Ir-nakas. Ŋul kes ituŋa luka Reka.

¹³ Odwe luka Kenas; Otiniel, ka Seraia: odwe luka Otiniel; Katat.

¹⁴ Meonotai kouri Opura: Seraia kouri Yoab papa loka Ge-karasim; naarai keraas ikeswamak luepiriaka.

¹⁵Odwe luka Kaleb okoku loka Yepune; lru, ka Ela, ka Naam: odwe luka Ela; Kenas.

¹⁶Odwe luka Yekalelel; Sip, ka Sipa, ka Tiria, ka, Asarel.

¹⁷Odwe luka Esera; Yeter, ka Mered, ka Eper, ka Yalon: kouri ŋin Miriam, ka Samai, ka Isiba papa loka Esitemoa.

¹⁸Akeberu Ayudayat kouri Yered papa loka Gedor, ka Keber papa loka Soko, ka Yekutiel papa loka Sanoa. Ŋul kes odwe luka Bitia akoku naka Parao, naamanyit Mered.

¹⁹Odwe luka aberu naka Kodia, kinaci naka Nakam, kes lukapapa luka Keila Egarumit, ka Esitemoa Emaakatit.

²⁰Odwe luka Simon; Aminon, ka Rina, ka Ben-kanan, ka Tilon. Odwe luka Isi; Soket, ka Ben-soket.

²¹ Odwe luka Sela okoku loka Yuda; Er papa loka Leka, ka Laada papa loka Maresa, ka ikekia luka etogo loka ŋul kalukesonyete ebaputa loejok, luka etogo loka Asibea;

²² ka Yokim, ka ituŋa luka Koseba, ka Yoas, ka Sarap, loapolokinit Moab, ka Yasubi-lekem. Ido akiro ŋun eraas nuŋo,

²³ŋul kes ikajeak amoti, ka lueboiete koNetaim ka Gedera: kiboioto kaŋina nepepe kekabaka kanuka akeswam.

²⁴Odwe luka Simeon; Nemuel, ka Yamin, ka Yarib, ka Sera, ka Saul:

²⁵Salum okokuke, Mibisam okokuke, Misima okokuke.

²⁶Odwe luka Misima; Kamuel okokuke, Sakur okokuke, Simei okokuke:

²⁷Kejaas Simei idwe lusap itomon ka lukanykape, ka lupesur akanykape; konye amameete iinacanake idwe luipu, kwabo mam kiyatakina ekekikec, kwape idwe luka Yuda.

²⁸Kiboioto kesi Beer-seba, ka Molada, ka Kasar-sual;

²⁹koBilika da, ka Esem, ka Tolad;

³⁰koBetuel da, ka Koruma, ka Sikilag;

³¹koBet-marakabot, ka Kasar-susim, ka Bet-biri, ka Saaraim, ŋul kes ireriakec kiton airum naka Daudi.

³²Ireriakec ludidik kes Etam, ka Ain, ka Rimon, ka Token, ka Asan, ireria ikany:

³³ka ireriakec ludidik kere luerimorito ireria ŋul kiton Baal. Ŋun kes aiboisiokec, ejaas kes aurikec.

³⁴Mesobab, ka Yamulek, ka Yosa okoku loka Amasia;

³⁵ka Yoel, ka Yeku okoku loka Yosibia, okoku loka Seraia, okoku loka Asiel;

³⁶ka Elioenai, ka Yaakoba, ka Yesokaia, ka Asaia, ka Adiel, ka Yesimiel, ka Benaia;

³⁷ka Sisa okoku loka Sipi, okoku loka Alon, okoku loka Yedaia, okoku loka Simiri, okoku loka Semaia;

³⁸Ŋul lualimor ikecekiroria kes ikapolok luka ikekiakec: kiyatakinos noi itogoi luka lukapapaakec.

³⁹Koloto kiton nealomarere Gedor, kiton ari nakokide naka aditot, amoote inya luka isipaninikec.

⁴⁰ Kodumut inya luelibito ejok, kolal akwap kiyamakina, kinapakina da; naarai lueboioto kaŋina apeŋo keraas luka Kam.

⁴¹ Ŋul da luewadikao ikiroria apote kapaarasia nuka Kesekia ekabaka loka Yuda, komunaasi iwemanakec, ka Imeunim luadumunos kaŋina, komudiasi kes cut, kiton lolo, kiboikinos aiboisikec: naarai ajaas inya kaŋina luka isipaninikec.

⁴²Ice kakesi, kes odwe luka Simeon, ituŋa akwat akany, koloto moru Seir, ikapolokitokokec kes Pelatia, ka Nearia, ka Repaia, ka Usiel, odwe luka Isi.

⁴³ Kodanyata lukideunos luka Imalekain luakuete, kiboikinos do ŋina, kiton lolo.