Read Ebaibuli 1961 1 Aisiitonokin 7 Bible Online

1 Aisiitonokin 7 - Ebaibuli 1961 bible

1 Aisiitonokin 7

¹ Odwe luka Isakar; Tola, ka Pua, ka Yasub, ka Simuron, iwoŋon.

² Odwe luka Tola; Usi, ka Repaia, ka Yeriel, ka Yamai, ka Ibusam, ka Semuel, ikapolokitok luka ikekia luka lukapapaakec, kes luka Tola; ituŋa lukirigin luetitiŋ katuriokec: etiaikec kapaarasia nuka Daudi emwaasi ilukumin akaisaarei ka luarei ka akwat akanykape.

³ Odwe luka Usi; Isirakia: odwe luka Isirakia; Mikael, ka Obadia, ka Yoel, ka Isia, ikany: kes kere ituŋa lukapolok.

⁴Kojaas nepepe kakes, katuriokec, kwape ajaatar ikekia luka lukapapaakec, irioŋeta luka ajore ejie, ilukumin akaisauni ka ilukumin ikanykape; naarai ajaas kes aŋor ka isap luipu.

⁵Iinacanakec kokekia kere luka Isakar, ituŋa lukirigin luetitiŋ, kimarai kakere kauriokec, emwaasi ilukumin akaisakanykauni ka ilukumin ikanykaarei.

⁶ Odwe luka Benyamin: Bela, ka Beker, ka Yediael, iuni.

⁷Odwe luka Bela; Esibon, ka Usi, ka Usiel, ka Yerimot, ka Iri, ikany; ikapolok luka ikekia luka lukapapaa, ituŋa lukirigin luetitiŋ; aponi kimarai kauriokec ilukumin akaisaarei ka luarei ka akais auni ka luoŋon.

⁸Odwe luka Beker; Semira, ka Yoas, ka Elieser, ka Elioenai, ka Omiri, ka Yerimot, ka Abiya, ka Anatot, ka Alemet. Ŋul kere kes odwe luka Beker.

⁹Aponi kimarai kaurikec, kwape ajaatar aturiokec, ikapolok luka ikekia luka lukapapaakec, ituŋa lukirigin luetitiŋ, ilukumin akaisaarei ka akwat aarei.

¹⁰Odwe luka Yediael; Bilikan: odwe luka Bilikan; Yeus, ka Benyamin, ka Ekud, ka Kenaana, ka Setan, ka Tarusis, ka Akisakar.

¹¹Ŋul kere kes odwe luka Yediael, kwape ajaatar ikapolok luka ikekia luka lukapapaakec, ituŋa lukirigin luetitiŋ, ilukumin itomon ka lukanykaarei ka akwat aarei, luapedorete alosit kajore ojie.

¹² Supim da, ka Kupim, odwe luka Ir, Kusim, odwe luka Aker.

¹³ Odwe luka Naputali; Yasiel, ka Guni, ka Yeser, ka Salum, odwe luka Bilika.

¹⁴ Odwe luka Manase; Asuriel loaurikinit akeberu ŋes: (abu abusiatake naAramit kouri Makir papa loka Gilead:

¹⁵ Komany Makir aberu nako Kupim ka Supim, ekiror loka inacike ŋes Maaka); ekiror loka lokiareit Selopekad: ajaas Selopekad adwe.

¹⁶Kouri Maaka aberu naka Makir okoku, komaik ekekiror Peres; ekiror loka onaceke Seres; odweke Ulam ka Rakem.

¹⁷ Odwe luka Ulam; Bedan, Ŋul kes odwe luka Gilead okoku loka Makir, okoku loka Manase.

¹⁸Abu kinacike Kamolekat kouri Isikod, ka Abieser, ka Mala.

¹⁹Odwe luka Semida kes Akian, ka Sekem, ka Liki, ka Aniam.

²⁰ Odwe luka Epuralm; Sutela, ka Bered okokuke, ka Takat okokuke, ka Eleada okokuke, ka Takat okokuke,

²¹ka Sabad okokuke, ka Sutela okokuke, ka Eser, ka Elead, luapotu ituŋa luka Gat luaurikinio kakwap koarata, naarai apotu kojesaros ademar ibarenekec.

²² Kibworo Epuraim papakec apaarasia nuipu, kopotu ikeinacan aipudun ŋes.

²³ Koloma mama ejai akeberu, kopotuu ŋesi, kouri ikoku, komaik ekekiror Beria, naarai ajaas karonis togokec.

²⁴ Akokuke ŋes Seera, naabu koduk Bet-koron nakaiesa ka nakamukurat, ka Usen-seera.

²⁵Okokuke ŋes Repa, ka Resep, ka Tela okokuke, ka Takan okokuke;

²⁶Ladan okokuke, Amikud okokuke, Elisama okokuke;

²⁷ Nun okokuke, Yosua okokuke.

²⁸Ikeceboro ka aiboisiokec kes Betel ka ireriake, Naaran kari nakokide, Geser, ka ireriake koto; Sekem da ka ireriake, kiton Asa ka ireriake:

²⁹ Eiduny kiikoruno luka odwe luka Manase, Bet-sean ka ireriake, Taanak ka ireriake, Megido ka ireriake, Dor ka ireriake. Kiboikinos odwe luka Yosep okoku loka Isirael oreria ŋul.

³⁰ Odwe luka Aser; Imina, ka Isiba, ka Isibi, ka Beria, ka Sera kinacikec.

³¹Odwe luka Beria; Keber, ka Malukiel, lokerai papa loka Birisait.

³²Keber kouri Yapelet, ka Somer, ka Kotam, ka Sua kinacikec.

³³Odwe luka Yapelet; Pasak, ka Bimikal, ka Asubat. Ŋul kes odwe luka Yapelet.

³⁴Odwe luka Semer; Aki, ka Roga, ka Yekuba, ka Aram.

³⁵Odwe luka Kelem onaceke; Sopa, ka Imina, ka Seles, ka Amal.

³⁶Odwe luka Sopa; Sua, ka Karuneper, ka Sual, ka Beri, ka Imira;

³⁷Beser, ka Kod, ka Sama, ka Silisa, ka Itiran, ka Beera.

³⁸Odwe luka Yeter; Yepune, ka Pisipa, ka Ara.

³⁹Odwe luka Ula; Ara, ka Kaniel, ka Risia.

⁴⁰ Ŋul kere kes odwe luka Aser, ikapolok luka ikekia luka lukapapaakec, ituŋa lukeseunitai lukirigin luetitiŋ, ikapolok luka ikapolok. Kimarai etiaikec kaurikec aijaanakin ojie emwaasi ituŋa ilukumin akaisaarei ka ilukumin ikanykape.