Read Ebaibuli 1961 2 Aisiltonokin 1 Bible Online

2 Aisiltonokin 1 - Ebaibuli 1961 bible

2 Aisiltonokin 1

¹ Kiticatai Solomon okoku loka Daudi kajakanutuke, kojaenena EJAKAIT Ekedeke kaŋes, kitopoloo noi.

² Kiner Solomon ka Isirael kere, ikapolok luka ilukumin ka luka akwat, ikatubok, ka ŋolikapolon koIsirael kere, ikapolok luka ikekia luka lukapapaakec.

³ Kolot do Solomon, ka ekodet kere kaŋes, mama ejai aibois naicelelei nakejai Gibeon; naarai nen kejai ewema loka airiamunun loka Edeke, loabu Musa ekejaanakinan loka EJAKAIT kiswama kamodiŋ.

⁴ Konye abu Daudi koyau asaduku naka Edeke anyoun koKiriat-yearim ayaŋaar aibois naabu Daudi kitemok ŋes: naarai abu ŋesi kibubuk ewema kanuke Yerusalem.

⁵ Bobo da kejai nen koiŋaren kewema lokalaunan loka EJAKAIT etem loka aisinit loabu Besalel okoku loka Uri, okoku loka Kur kiswamau: kolosenenete Solomon ka ekodet kere mamake.

⁶ Kodoka Solomon ŋina mama ejai etem loka aisinit kakonyen nuka EJAKAIT, lokejai owema loka airiamunun, koinak ainakineta alukumit nuicweio kanen.

⁷ Kakuare kaŋin kitaanyikin Edeke Solomon, kotema ŋes atiar, “Kilipai nakainakini jo.”

⁸ Kotema Solomon Edeke atiar, “Ibu ijo kitodik Daudi papaka asianut naepol, kitarau eoŋ ekabaka aiboisike.

⁹ Kwana, wu EJAKAIT Edeke, kicat aisumunetckon mama ejai Daudi papaka: naarai kidakak eoŋ araun ekabakaloka ituŋa luesubito bala apua naka alup kaipues.

¹⁰ Aso koinakinai do acoa ka aijen, tetere alomanari alomununei da kakonyen nuka ituŋa kalu: naarai iŋai epedori atubokin ikonituŋa lu luipu?”

¹¹ Kotema Edeke Solomon atiar, “Naarai kejaas nu otaukon, kwabo mam ilipit abar, akerianut, karaida aibuses, karaida aijar naka ŋul kalukilaito jo, kwabo mam ilipit aibut apaarasia nuipu; konye ilipit acoa ka aijen kanukon, tetere itubokini ikatuŋa, luketarau jo ekabakakec:

¹² kiinakin jo acoa ka aijen; kainakini da abar ka akerianut, ka aibuses, numam lem ejaas kaikabakan lukigeikinete jo, kwabo mam ejaunos lukitupakinete jo aputokin kajo,”

¹³Koboŋo Solomon kalositeke kama ejai aibois naicelelei nakejai Gibeon, anyoun kowema loka airiamunun, kobu Yerusalem; kirum Isirael.

¹⁴ Kotukonok Solomon agalin ka ikebwanenok: kejaas ŋes agalin alukumit ka akwat aoŋon, ka ikebwanenok ilukumin itomon ka luaarei, lukibwaikinit oreria luka agalin, ka Yerusalem da nekejai ekabaka.

¹⁵ Kitarau ekabaka epuesa ka esabu araut bala amor ko Yerusalem, kitarau iresia da bala isukumorin luejaas apuutona, kanuka aipues.

¹⁶Keyaunio ibalasin lukejaas ka Solomon koMisiri; kodumut ikagwelanarak luka ekabaka kes kosipanin, nollsipan kotiaike.

¹⁷Koomata, koyaut koMisiri agali kisekelin akwat akanykape luka epuesa, ka ebalasit kakwatat ka akaisakany: koinunut kes kwaŋin ikabakan kere luka Ikitin, ka ikabakan luka Suria kakaninikec.