Read Ebaibuli 1961 2 Aisiltonokin 16 Bible Online

2 Aisiltonokin 16 - Ebaibuli 1961 bible

2 Aisiltonokin 16

¹ Kokaru loka akaisauni ka lukanykape loka airum naka Asa, kolot Baasa ekabaka loka Isirael asurokin Yuda, koduk Rama, tetere mam ecamakini idiotuŋanan alomar arai alomun mama ejai Asa ekabaka loka Yuda.

²Kosodi Asa alemun epuesa ka esabu koboro luka akais nuipu luka etogo loka EJAKAIT, ka luka etogo loka ekabaka, kijukak Ben-kadad ekabaka loka Suria, loeboienenei koDamasiko, ebe,

³“Ejai aitutuket kidiŋika kajo, kwape ajaar kidiŋ papaka ka papakon: koany, ejukakinit jo epuesa ka esabu; kolot, kobil aitutuketekon ka Baasa ekabaka loka Isirael, tetere enyouni ŋesi kaneajai eoŋ,”

⁴Kiira Ben-kadad ekabaka Asa, kijuka ikapolok luka ajoresioke asurokin ireria luka Isirael; kodanyata luko Iyon, ka Dan, ka Abelmaim, ka ireria kere luka aiŋad luka Naputali.

⁵Kosodi kanen, kepupu Baasa ŋun, kinyeik aiduk Rama, kitanaŋ akeswam.

⁶Kosodi Asa ekabaka ayaŋaar Yuda kere; koyaŋaasi amor nuka Rama, ka akitoke, nuabu Baasa kodukitor; kodukio Geba ka Misipa.

⁷ Kapaarasia kaŋun kobu Kanani ekadwaran mama ejai Asa ekabaka loka Yuda, kotema ŋes atiar, “Naarai igoŋakina ijo ekabaka loka Suria, komam igoŋakina EJAKAIT Ekonideke, kanuka ŋun akuu ajore naka ekabaka loka Suria kakanikon.

⁸ Mam kereka Itiopian ka Ilubim ajore nakos, kejaas kagalin ka ikebwanenok luipu noi noi? Konye naarai ibu kogoŋakina EJAKAIT, abu ŋesi kijaik kes akanikon.

⁹ Naarai enolenoleete akonye nuka EJAKAIT anatar akwap kere, aitodikin akegogoŋ kanuka ŋul luetenito itauonokec kakonyeneke. Iswama nukabaŋaanut kaŋun; naarai agear kwana ijaun kaiiiisio.”

¹⁰ Kosodi Asa anyunyurikin ekadwaran, kibwaik ŋes aidaris; naarai kisiopak ŋes kanuka akirot kaŋin. Koroik Asa ice kotuŋa kapak kaŋin.

¹¹Ido koany, aswamisio nuka Asa, nusodit ka nukawasia, koany, iwadikatai oitabo loka ikabakan luka Yuda ka Isirael.

¹² Kokaru loka akaisauni ka lukanykaoŋon loka airumuke kodekakin Asa akejeke; kepol noi adekake: konye toma adekake mam abu komoote EJAKAIT, konye mama ejaas imurwok.

¹³Kojotoor Asa kalukapapaake, kotwana kokaru loka akaisaoŋon ka lodiopet loka airumuke.

¹⁴ Aponi kidaikinai adiopet katesinake elopet, nuabokit kanuke ore loka Daudi, kiteperikinoi oitada loeleleba auresio nuejok ka lueur maa luegelegela luetemokinitoi kapirianut naka emurwon: kisupuronokinete luipu noi.