Read Ebaibuli 1961 Nekemia 10 Bible Online

Nekemia 10 - Ebaibuli 1961 bible

Nekemia 10

¹ Ido ŋul luapotu kipucakis aanyunet kes lu: Nekemia Etirusata, okoku loka Kakalia, ka Sedekia.

²Seraia, ka Asaria, ka Yeremia;

³Pasur, ka Amaria, ka Malikiya;

⁴Katus, ka Sebania, ka Maluk;

⁵Karim, ka Meremot, ka Obadia;

⁶Daniel, ka Gineton, ka Baruk;

⁷Mesulam, ka Abiya, ka Miyamin;

⁸Maasia, ka Biligai, ka Semaia: ŋul kes araas isasedotin.

⁹ Ikiroria da luka Ilebin kes lu: Yesua okoku loka Asania, ka Binui lokodwe luka Kenadad, ka Kadumiel;

¹⁰ka ikeceinacan, Sebania, ka Kodia, ka Kelita, ka Pelaia, ka Kanan;

¹¹Mika, ka Rekob, ka Kasabia;

¹²Sakur, ka Serebia, ka Sebania;

¹³Kodia, ka Bani, ka Beninu.

¹⁴Ijaka luka ituŋa: Paros, Pakat-moab, Elam, Satu, Bani;

¹⁵Buni, Asagad, Bebai;

¹⁶Adoniya, Bigibai, Adin;

¹⁷Ater, Kesekia, Asur;

¹⁸Kodia, Kasum, Besai;

¹⁹Karip, Anatot, Nobai;

²⁰Magapias, Mesulam, Kesir;

²¹Mesesabel, Sadok, Yadua;

²²Pelatia, Kanan, Anaia;

²³Kosea, Kanania, Kasub;

²⁴Kalokes, Pila, Sobek;

²⁵Rekum, Kasabana, Maaseia;

²⁶Akia, Kanan, Anan;

²⁷Maluk, Karim, ka Baana.

²⁸ Ka icetuŋa kere, isasedotin, Ilebin, ikagolok, ikayook, Inetinim, ka ŋul da kere luapotu kogitara kotoma atekerin nuka akwapin mama ejaas ikisila luka Edeke, ka aŋorokec, ka idwekec lusap ka lupesur, ŋinidiopet yenajai aijen ka ajenun;

²⁹ Kimorikikinos kesi kaiinacanakec, isotiakec, kocamut ekenit, ka aiyaposit, alosenen kokisila luka Edeke, lukeinakinio kama ka Musa ekejaanakinan loka Edeke, aidarenen ka aiswamaenen aicorakineta kere nuka EJAKAIT, EJAKAIT ikosi, ka itubesiake, ka ikisilake.

³⁰ Ido kenyeis aikor apesuruwok atekerin nuka akwap, karaida amanyanakin itelepaiwok apesurukec.

³¹ Ido arai keyaununutu atekerin nuka akwap iboro arai lunyaman kere agwelanar kapaaran nakasabato, mam kigwelanakini kakes kapaaran nakasabato, karaida apaaran nakalaunan: ido kisiukaari alup kokaru lokikanyetekaarei, kijali da aiburaenen apesen kere.

³² Ido kibwaanakini ikisila, atubonokinor ŋolikaru idiopet kouni yenika esekel kanuka aijaanakin naka etogo loka Edekewok;

³³ Kanuka imugatin lukaitodikin, ka ainakinet naka akiria natir, ka ainakinet naicweio natir, nuka asabaton, ka napilamununia elap, ka ipucin lueseunitai, ka nuka iboro lukalaunak, ka ainakineta nuka adiakaret aitulucio Isirael, ido kaswam kere naka etogo loka Edekewok.

³⁴ Kipou kelamilamata eroet, isasedotin, ka Ilebin, ka ituŋa, kanuka ainakinet naka akito, ayaunun toma togo loka Edekewok, kwape ejaatar ikekia luka lukapapaawok, kapakio nueseunitai kaŋolikaru, aicweenena kotem loka EJAKAIT Edekewok, kwape kiwadikatere kokisila:

³⁵ ayaunun da araito nugeet nuka alupowok, ka araito nugeet nuka araito kere nuka iponesio kere luka ikito, ŋolikaru, togo loka EJAKAIT.

³⁶ Ido ikiyaik luka odwewok, ka luka ibarenewok, kwape kiwadikatere kokisila: ka ikiyaik luka isipanin luka aituk ka amerekekin, ayaunun toma togo loka Edekewok, mama ejaas isasedotin luijaanakinete togo loka Edekewok.

³⁷ Ayaunun da nugeet nuka ainumaretawok, ka ainakinetawok nukikianara, ka araito nuka iponesio kere luka ikito, ebino ka akinyet, mama ejaas isasedotin, kotoma agolai nukotogo loka Edekewok; ka idiopet kotomoneta luka alupowok mama ejaas Ilebin; naarai ŋul, kes Ilebin, luetukonokinete idiopet kotomoneta koreriawok kere luekoriere.

³⁸ Ido ejaenena esasedoti okoku loka Aaron ka Ilebin, naetukonokiniata Ilebin idiopet kotomoneta: eyaununete Ilebin idiopet kotomoneta toma idiopet kotomoneta togo loka Edekewok, agolai, togo loka imono.

³⁹ Eyaununete idwe luka Isirael ka idwe luka Lebi ainakineta nukikianara nuka akima, ka ebino, ka akinyet, agolai nuejaas iboro luka aibois nakalaunan, ka isasedotin luijaanakinete, ka ikagolok, ka ikayook da; mam do kijalakini etogo loka Edekewok.