Read Ebaibuli 1961 Nekemia 12 Bible Online

Nekemia 12 - Ebaibuli 1961 bible

Nekemia 12

¹ Lu kes isasedotin ka Ilebin luapotu kouparos ka Serubabel okoku loka Sealutiel, ka Yesua, Seraia, Yeremia, Esera;

²Amaria, Maluk, Katus;

³Sekania, Rekum, Meremot;

⁴ Ido, Ginetoi, Abiya;

⁵Miyamin, Maadia, Biliga;

⁶Semaia, ka Yoiarib, Yedaia;

⁷ Salu, Amok, Kilikia, Yedaia. Ŋul kes ijaka luka isasedotin ka luka ikeceinacan kapaarasia nuka Yesua.

⁸ Ido Ilebin: Yesua, Binui, Kadumiel, Serebia, Yuda, ka Matania loapolokinit aimal, ŋes ka ikeinacan.

⁹Bakabukia da ka Uno, iinacanakec, komeanakinos kakes korioŋeta.

¹⁰Yesua kouri Yoiakim, Yoiakim kouri Eliasib, Eliasib kouri Yoiada.

¹¹Yoiada kouri Yonatan, Yonatan kouri Yadua.

¹²Kapaarasia nuka Yoiakim ajaas isasedotin, ikapolok luka ikekia luka lukapapaakec: loka Seraia, Meraia; loka Yeremia, Kanania;

¹³loka Esera, Mesulam; loka Amaria, Yekokanan;

¹⁴loka Maluki, Yonatan; loka Sebania, Yosep;

¹⁵loka Karim, Aduna; loka Meraiot, Kelikai;

¹⁶loka Ido, Sekaria; loka Gineton, Mesulam;

¹⁷loka Abiya, Sikiri; loka Miniamin, loka Moadia, Pilitai;

¹⁸loka Biliga, Samua; loka Semaia, Yekonatan;

¹⁹loka Yoiarib, Matenai; loka Yedaia, Usi;

²⁰loka Salai, Kalai; loka Amok, Eber;

²¹loka Kilikia, Kasabia; loka Yedaia, Netanel.

²²Ilebin kapaarasia nuka Eliasib, ka Yoiada, ka Yokanan, ka Yadua, aponi kiwadikai ikapolok luka ikekia luka lukapapaakec, ka isasedotin da, kairum naka Dario Eperusiat.

²³ Aponi kiwadikai odwe luka Lebi, ikapolok luka ikekia luka lukapapaakec oitabo loka aisiitonokin, aitodol apaarasia nuka Yokanan okoku loka Eliasib.

²⁴ Ijaka luka Ilebin: Kasabia, Serebia, ka Yesua okoku loka Kadumiel, ka iinacanakec kosesenas, aiturit ka aimal kwape ajaar aicorakinet naka Daudi etuŋanan loka Edeke, erioŋet koseseni erioŋet.

²⁵Matania, ka Bakabukia, Obadia, Mesulam, Talumon, Akub, kes ikagolok luedarete aiŋadisia nukorutei.

²⁶ Ŋul kes lukejaas kapaarasia nuka Yoiakim okoku loka Yesua, okoku loka Yosadak, kapaarasia da nuka Nekemia ekayaiton ka nuka Esera esasedoti ekewadikan.

²⁷ Komoata kesi Ilebin kotoma aiboisiokec kere, ayaun kes Yerusalem atiakunio naka arwatat, aidar atiakunio kaiyalama, kimalaete, koyeete, kojaas kaisinin, ka isabulin, ka adeudeun.

²⁸Kotukonokinos odwe luka ikayook, anyoun kotoma apuuton nairimorit Yerusalem, koreria da luka Inetopatin;

²⁹kotoma Bet-giligal, komanikoria lukoGeba ka Asumabet: naarai adukitos ikayook ireria airimor Yerusalem.

³⁰ Kitesegaaros isasedotin ka Ilebin, kitesegaasi ituŋa da, ka irutei ka arwatat.

³¹ Kasodi ketodoka lukapolok luka Yuda arwatat, kepiiki atukon aarei nuepolok nuimalaete ka nuelosete kokokoron; itorit atukot adiopet akan nakoteten karwatat abear orute loka aoret.

³²Kotupite kes Kosaia, ka atutubet naka ikapolok luka Yuda.

³³Ka Asaria, ka Esera, ka Mesulam.

³⁴Yuda, ka Benyamin, ka Semaia, ka Yeremia,

³⁵ ka ice kodwe luka isasedotin ejaas karupepen: Sekaria okoku loka Yonatan, okoku loka Semaia, okoku loka Matania, okoku loka Mikaia, okoku loka Sakur, okoku loka Asap;

³⁶ ka ikeinacan, Semaia, ka Asarel, Milalai, Gilalai, Maai, Netanel, ka Yuda, ka Kanani, kojaas kiboro lueruos luka Daudi etuŋanan leka Edeke; kiŋarenikinite kes Esera ekewadikan:

³⁷ kitoroto orute loka ecoa, itenarito, kodokasi kadoketa nuka ere loka Daudi, neikiaror arwatat, kuju ketogo loka Daudi, kiton orute loka akipi ari nakokide.

³⁸ Kolot atukot ace kaŋul kaluimalaete airiamakin kakes, katupit eoŋ da kes, ka atutubet naka ituŋa, karwatat, kokuju togo loeoja loka iupaa kiton arwatat naelal;

³⁹ kuju kerute loka Epuraim, ka neejai erute lomojoŋ, ka neejai erute loka lukecor, ka etogo loeoja loka Kananel, ka etogo da loeoja loka Kamea, kiton orute loka amerekekin: kobwaata kopalarito korute loka ikedarak.

⁴⁰ Kobwaata atukon aarei kaŋul kaluimalaete kotogo loka Edeke, eoŋ da, ka atutubet naka ikayaitok kaeoŋ:

⁴¹ka isasedotin, Eliakim, Maaseia, Miniamin, Mikaia, Elioenai, Sekaria, ka Kanania da, ejaas karupepen;

⁴²ka Maaseia, ka Semaia, ka Eleasar, ka Usi, ka Yekokanan, ka Malikiya, ka Elam, ka Eser. Kosodete ikayook ayoore keporoto loepol, Yeserakia ŋes ekeŋarenonikec.

⁴³ Koinakis asuban nuepolok kapaaran kaŋin, kiyalamas; naarai abu Edeke kisiyalamikinite kes kaiyalama naepol: kiyalamasi da aŋor ka idwe; kopupunoi da aiyalama naka Yerusalem kaneelwana.

⁴⁴ Kapaaran kaŋin aponi koseunai ituŋa apolokin agolai nuka iboro luka akais nuipu, luka ainakineta nuikeitai, luka araito nugeet, ka luka lukitomoneta, atukonokin kwape ejaatar imanikoria lukoreria, akorakineta nuicorakinitai isasedotin ka Ilebin kokisila: naarai abu Yuda kiyalamikin kanuka isasedotin ka Ilebin luejaanakinete.

⁴⁵ Koricito aijaanakin naka Edekekec, ka aijaanakin naka aitesegaario, eswamaenenete kwape kwaŋin ikayook ka ikagolok, kwape ajaar aicorakinet naka Daudi ka naka okokuke Solomon da.

⁴⁶Naarai kapaarasia nusek nuka Daudi ka Asap ajaenena ekeŋarenon loka ikayook, ka ikososinei luka aiturit ka aimal Edeke.

⁴⁷Ido kapaarasia nuka Serubabel, kapaarasia da nuka Nekemia, koinak Isirael kere akorakineta nuka ikayook ka ikagolok kwape ejaar eipud loka ŋinipaaran: kogitasi nuka Ilebin; ka Ilebin da kogitasi nuka odwe luka Aaron.