Read Ebaibuli 1961 Nekemia 3 Bible Online

Nekemia 3 - Ebaibuli 1961 bible

Nekemia 3

¹ Kosodi Eliasib esasedoti lopeti anyoun nepepe kikeinacan isasedotin, kodukoto erute loka Amerekekin; kitalautu da, kosipokis ikiriginike; kiton togo loeoja loka Kamea kitalautu, kiton togo loeoja loka Kananel.

² Kotupakinete ŋes ituŋa luka Yeriko aiduk. Kotupakin kes Sakur okoku loka Imiri aiduk.

³ Kodukoto odwe luka Kasenaa erute loka Lukecor; kopesikis abaoike, kosipokis ikiriginike, ka igolisike, ka atiketake.

⁴Kotupakin kes Meremot, okoku loka Uria, okoku loka Kakos, Kotupakin kes Mesulam okoku loka Berekia, okoku loka Mesesabel aiteteun. Kotupakin kes Sadok okoku loka Baana aiteteun.

⁵ Kotupakinete kes Itekoin aiteteun: konye mam isotiakec ibwaikinito imurisiŋakec aswam naka ejakaitikec.

⁶ Kiteteut Yoiada okoku loka Pasea ka Mesulam okoku loka Besodeia erute lomojoŋ, kopesikis abaoike, kosipokis ikiriginike, ka igolisike, ka atiketake.

⁷ Kotupakinete kes Melatia Egibeonit, ka Yadon Emeronotit, ituŋa luka Gibeon, ka luka Misipa, aiteteun, naarai keraas lukeyait lokebuku lokokekwa juwai.

⁸ Kotupakin ŋes Usial okoku loka Karakaia ikatatak luka esabu, aiteteun. Kotupakin ŋes Kanania ediopet kokenyalak aures, aiteteun, kitogogoŋoto Yerusalem kiton arwatat naelal.

⁹Kotupakin kes Rapaia okoku loka Kur, ekayaiton loka atutubet naka ebuku loka Yerusalem aiteteun.

¹⁰Kotupakin kes Yedaia okoku loka Karumap aiteteun neesesenas ketogoke. Kotupakin ŋes Katus okoku loka Kasabaneia aiteteun.

¹¹ Malakiya okoku loka Karim, ka Kasub okoku loka Pakat-moab, kiteteut ecewai, ka etogo loeoja loka iupa.

¹² Kotupakin ŋes Salum okoku loka Kalokes, ekayaiton loka atutubet naka ebuku loka Yerusalem aiteteun, ŋes ka akepesur.

¹³ Kiteteut Kaŋun ka luiboiete ko Sanoa erute loka Aditot; kodukoto kesi ŋes, kosipokis ikiriginike, ka igolisike, ka atiketake, ka ikubitin elukumit luka arwatat kiton orute loka Aoret.

¹⁴ Kiteteu Malakiya okoku loka Rekab, ekayaiton loka ebuku loka Betkakerem erute loka Aoret; koduk ŋes, kosipok ikiriginike, igolisike, ka atiketake da.

¹⁵ Kiteteu Salun okoku loka Kolukose, ekayaiton loka ebuku loka Misipa erute loka Atan; koduk ŋes, korap, kosipok ikiriginike, igolisike, ka atiketake, ka arwatat naka Atapar naka Sela naedunyas kemanikor loka ekabaka, aitodol adoketa nuiiesaros anyoun kore loka Daudi.

¹⁶ Kotupakin ŋes Nekemia okoku loka Asabuk, ekayaiton loka atutubet naka ebuku loka Betsur, aiteteun kiton aibois naesesenas katesina nuka Daudi, kiton atapar naabokitai, kiton da togo loka ituŋa lukirigin.

¹⁷Kotupakis ŋes Ilebin, Rekum okoku loka Bani aiteteun. Kotupakin ŋes Kasabia, ekayaiton atutubet naka ebuku loka Keila, aiteteun kanuka ebukuke.

¹⁸ Kotupakis ŋes ikeceinacan, Babai okoku loka Kenadad, ekayaiton loka atutubet naka ebuku loka Keila aiteteun.

¹⁹ Kotupakin Eser okoku loka Yesua, ekayaiton loka Misipa, aiteteun ewai ece, loasesenas kaneedokarere toma aiŋadis naka lujiis neekudio arwatat.

²⁰ Kotupakin ŋes Baruk okoku loka Sabai aiteteun ewai ece kakukuranut, anyoun kaneekudio arwatat kiton okek loka etogo loka Eliasib esasedoti lopeti.

²¹Kotupakin ŋes Meremot okoku loka Uria, okoku loka Kakos aiteteun ewai ece, anyoun kokek loka etogo loka Eliasib aitodol onaŋe loka etogo loka Eliasib.

²²Kotupakis ŋes isasedotin, ituŋa luka Apuuton, aiteteun.

²³Kotupakinete kes Benyamin ka Kasub aiteteun neasesenas kekecetogo. Kotupakin Asaria okoku loka Maaseia okoku loka Anania aiteteun osiep loka etogoke.

²⁴Kotupakin Binui okoku loka Kenadad aiteteun ewai ece, anyoun kotogo loka Asaria aitodol neakudokinia arwatat, ka aitodol agor da.

²⁵ Kiteteu Palal okoku loka Usai neakudio arwatat, ka etogo loeoja loiririkina togo lokokuju loka ekabaka, loedunyas kalaro naka ikedarak. Kotupakin Pedaia okoku loka Paros aiteteun.

²⁶ (Kiboienenete Inetinim koOpel aitodol aibois naesesenas kerute loka Akipi kokide, ka etogo loeoja loelitoro kiŋa.)

²⁷Kotupakis Itekoin aiteteun ewai ece, loesesenas ketogo loeoja loepol loelitoro kiŋa, aitodol arwatat naka Opel.

²⁸ Kiteteut isasedotin kuju kerute loka Ibalasin, ŋolituŋanan neasesenas keketogo.

²⁹ Kotupakin Sadok okoku loka Imer aiteteun neasesenas keketogo. Kotupakin Semaia okoku loka Sekania ekagolon erute lokokide aiteteun.

³⁰Kotupakinete Kanania okoku loka Selemia, ka Kaŋun okoku lokikanyetekape loka Salap, aiteteun ewai ece. Kotupakin Mesulam okoku loka Berekia aiteteun neasesenas kakegola.

³¹Kotupakin Malikiya ediopet kokatatak luka esabu aiteteun aitodol togo loka Inetinim, ka loka ikagwelanarak, loasesenas kerute loka Kamipikad, aitodol neadokarere agor.

³² Ido kiteteut ikatatak luka esabu ka ikagwelanarak kidiŋ kaneadokarere agor ka erute loka Amerekekin.