Read Ebaibuli 1961 Esita 5 Bible Online

Esita 5 - Ebaibuli 1961 bible

Esita 5

¹ Kosodi kanen, kapaaran nakiwuniet, konap Esita akenapito nuka ekabakane, kobwo kalaro nakotoma naka etogo loka ekabaka, asesen etogo loka ekabaka: kiboikin ekabaka oicoloŋoke loka ekabakane togo loka ekabakane asesen neelomarere togo.

² Kosodi keanyu ekabaka Esita akabaka ebwoi kalaro, kodum asianut kakonyeneke; korio ekabaka esas loka esabu loetiŋit kakanike adodia Esita. Kikuny do Esita, kotiro akou naka esas.

³ Kosodi ekabaka atemar ŋes atiar, “Inyo bo ikoto ijo, akabaka Esita? Inyo bo ilipit ijo? Kiinakinio jo kiton atutubet naka ajakanutuka.”

⁴Kotema Esita atiar, “Arai kito kitojokit ekabaka, kobu ekabaka ka Kaman lolo opucit loepoikinit ŋes,”

⁵Kosodi ekabaka atemar atiar, “Kisuburikis Kaman, keswamata nuebala Esita.” Kobu do ekabaka ka Kaman opucit loepoit Esita.

⁶ Kotema ekabaka Esita kopucit loka ebino atiar, “Inyo bo ilipit ijo? Kiinakinio jo. Iŋaiŋait ca inyo? Itodolikinio kiton atutubet naka ajakanut.”

⁷Kosodi Esita aboŋokin ebe, “Akaiŋaiŋa ka ailipika ŋes nata:

⁸arai kadum asianut kakonyen nuka ekabaka, arai da kitojok ekabaka ainakin eoŋ naelipit, ka aitodolikin naenainait eoŋ, kopotu ekabaka ka Kaman opucit loepoikini kes, moi da, ŋes eswamaa kwape etemaria ekabaka.”

⁹ Kosodi Kaman alomar iyalama kaparit kaŋin, kolakara da kotauke: konye keanyu Kaman Morudekai korute loka ekabaka, komam ebwoi karaida anyoun kanukeŋ, konyunyurik noi Morudekai.

¹⁰ Konye do kotitiŋik Kaman, kolot ore; kijuka aomare ikepapero ka Seres akeberu.

¹¹ Kitatamik Kaman kes ailiil naka abarake, ka aipues da naka idweke, ka akiro kere da nuadakaki ŋes ekabaka, kwape kitopoloo ŋes aitelekarit ikapolok ka ikejaanakinak luka ekabaka.

¹² Ido kotema Kaman atiar, “Eebo, mam abu Esita akabaka kisunup ituŋanan alomar nepepe kekabaka opucit loepoit ŋesi nabarai eoŋ; moi da kanyararit eoŋ nepepe kekabaka.

¹³ Konye ŋun kere kamamikinit ajokis, eroko eoŋ aanyuni Morudekai Eyudayat iboie korute leka ekabaka.”

¹⁴ Kosodi Seres akeberu ka ikepapero kere atemar ŋes atiar, “Kosipokinai akito aojauke ikubitin akaisakany, kinerut moi ka ekabaka aikajakin Morudekai nen; ŋes konyet ilomaria ka ekabaka ilakara opucit.” Kisiyalamik ŋin Kaman; kicorak asipokin