Read Ebaibuli 1961 Anyoun 17 Bible Online

Anyoun 17 - Ebaibuli 1961 bible

Anyoun 17

¹ Kolot ekodet kere loka idwe luka Isirael anyoun kamodiŋ naka Sin, kobwosenenete, kwape ajaar aicorakinet naka EJAKAIT, kidukuroto Repidim: konye komamuut akip nuemasete ituŋa.

² Ŋes etoŋolopiata ituŋa Musa, kobalas ebe, “Koinakinai sio akipi kamata.” Kotema Musa kes atiar, “Kanukinyo kitonolopiata eoŋ? Kanukinyo ikoduniata EJAKAIT?”

³ Kojak ituŋa akure naka akipi kanen; kirurumakisi ituŋa Musa, kotemasi atiar, “Kanukinyo kitolemunia sio koMisiri, aiar sio ka ikosidwe ka ikosibaren kakure?”

⁴ Komony Musa neejai EJAKAIT kotema atiar, “Ekonakini ai ituŋa lu? ekapakina kesi aibiribir eoŋ kamor.”

⁵ Kotema EJAKAIT Musa atiar, “Kitor akonyen nuka ituŋa, koyaŋa nepepe kajo ice komakio luka Isirael; kitiŋ ebelakon kakanikon, loinomia kole ijo ecor, kolot.

⁶ Koany, abwoi eoŋ kakonyenekon komoru Koreb; inomi ijo atiiba, elomunete akip, komata ituŋa.” Kiswama Musa kwaŋin kakonyen nuka imakio luka Isirael.

⁷ Komaik ŋesi aibois ekekiror Masa, [9]ka Meriba,[10] kanuka aŋolopa naka idwe luka Isirael, kosubata bala ekodunete EJAKAIT, kineras atiar, “Ejai kereka EJAKAIT mamawok arai bo mam?”

⁸ Kobu do Amalek, kojioto ka Isirael koRepidim.

⁹ Kotema Musa Yosua atiar, “Koseikinai ituŋa, kolot, kitiji Amalek: abwoi eoŋ moi koukot, ketinitc ebela loka Edeke.”

¹⁰Kiswama Yosua kwape kicorakinia Musa, kitiji Amalek: kodokasi Musa ka Aaron ka Kur oukot.

¹¹ Kosodi kanen, kerio Musa akanike, kipiko Isirael: konye kinyakaki akanike kwap, kipiko Amalek.

¹²Konye kitega akanin nuka Musa; koyaŋaasi amoru kibwaikis kwapuke, kiboikin; kigagata Aaron ka Kur akaninike, ediopet epuai, ediopet da epuai; kicatata akekanin aitodol nealomaria akoloŋ.

¹³Abu Yosua kitononok Amalek ka iketuŋa kakwanis naka ekileŋ.

¹⁴ Kotema EJAKAIT Musa atiar, “Kiwadik ŋin oitabo araun aisiitunet, kitatamik aki nuka Yosua; naarai amwatari cut aiitunio naka Amalek kokwap kakuj.”

¹⁵ Koduk Musa etem, komaik ekekiror Yawe-nisi: [11]

¹⁶Kotema atiar, “Eyapo EJAKAIT: Ejienenei EJAKAIT kAmalek anatar aturio kere.”