Read Ebaibuli 1961 Anyoun 38 Bible Online

Anyoun 38 - Ebaibuli 1961 bible

Anyoun 38

¹ Abu kiswamau etem loka ainakineta nuicweio loka akito nuka sita: aojauke ikubitin ikany, alalauke ikubitin ikany, loka agoria aŋolol nueriakanara; amukururuke da ikubitin iuni.

²Kiswamak da amumwarake kuju kagoriake aoŋon; koraas amumwara nuka ibore idiopet kaŋes: kiladaa ŋes kaisinit.

³ Abu kiswamau iboro kere luka etem, atubaake, initiake, atanyake, ka igolunake luka akiriŋ, ka ekialake: eswamaunit iboroke kere kaisinit.

⁴Abu kiswamak etem eboi loka aisinit, kwap kapama naerimorit ŋes kokwap, kodolite kidiŋ osiepion luka etem.

⁵Abu kotata igilun iwoŋon luka isaŋeta iwoŋon luka eboi loka aisinit, luaraas aiboisio nuka adaketa.

⁶Abu kiswamau adaketa nuka akito nuka sita, kiladaa kes kaisinit.

⁷Kitolomanak adaketa ogilun kosiepion luka etem, adakia ŋes; abu kiswamau ŋes kabaoi koorori.

⁸ Abu kiswamau akalaya naka aisinit, ka aigaŋeteke naka aisinit, naka aroeta nuka aŋor kanuejaanakinete kokek loka ewema loka airiamunun.

⁹ Abu kiswamau alaro: kowai loka eŋalakimak ari naka eŋalakimak igoen luegalitoi luka alaro araas luka ebaputa loecipitai kiusio lueriim, ikubitin akwatat:

¹⁰Emwaasi ipirinokec akaisaarei, ka aigaŋetakec nuka aisinit akaisaarei; igolun luka ipirin ka aikajetakec araas luka epuesa.

¹¹Kowai loka agolitomei ikubitin akwatat, ipirinokec akaisaarei ka aigaŋetakec akaisaarei, nuka aisinit; igolun luka ipirin ka aikajetakec araas luka epuesa.

¹²Kowai lokoto ajaas igoen luegalitoi luka ikubitin akaisakany, ipirinokec itomon, ka aigaŋetakec atomon; igolun luka ipirin ka aikajetakec araas luka epuesa.

¹³Kowai lokokide ari nakokide ikubitin akaisakany.

¹⁴Igoen Iucgalitoi luka ewai ediopet loka erute araas ikubitin itomon ka lukany; ipirinokec iuni, ka aigaŋetakec auni;

¹⁵Kwaŋin epuai da; kakan na ka akan ya da naka erute loka alaro ajaas igoen luegalitoi luka ikubitin itomon ka lukany; ipirinokec iuni, ka aigaŋetakec auni.

¹⁶Igoen luegalitoi kere luerimorito alaro araas luka ebaputa loecipitai kiusio lueriim.

¹⁷Araas aigaŋeta nuka ipirin nuka aisinit: igoluna luka ipirin ka aikajetakec luka epuesa; ka akwesikec da eladaaritai kepuesa; ipirin kere luka alaro ajaas aikajeta nuka epuesa.

¹⁸ Aigalisit naka erute loka alaro arai aswam naka ekasonyan, lobululu, ka lomuge, ka lokareŋan, ka ebaputa loecipitai kiusio lueriim: aojauke ikubitin akaisaarei, ka amukururuke ikubitin ikany, koputos kigoen kaluegalitoi alaro.

¹⁹Emwaasi ikecepirin iwoŋon ka aigaŋetakec aoŋon, luka aisinit; igolunakec luka epuesa, ka akwesikec ka aikajetakec eladaaritai kepuesa.

²⁰ Iloin kere luka ewema lokalaunan ka lualukunito alaro, araas luka aisinit.

²¹ Lo ŋes etiai loka iboro luka ewema lokalaunan, ŋes ewema lokalaunan loka aitejenunet, kwape aponi kimarere, kwape ajaar aicorakinet naka Musa, araun aijaanakin naka Ilebin, kakan naka Itamar, okoku loka Aaron esasedoti.

²² Abu Besalel okoku loka Uri, okoku loka Kur, loka ateker naka Yuda kiswamau kere luabu EJAKAIT kicorak Musa.

²³Kojai Okoliab, okoku loka Akisamak, loka ateker naka Dan, nepepe kaŋes, loarai ekegiran amor, ekeswaman loepiriana, ekasonyan lobululu ka lomuge ka lokareŋan, ka ebaputa loejok.

²⁴ Esabu kere loaponi kitwasamai kanuka aswam kere naka aibois nakalaunan, ŋes esabu loainakinio, arai atalatan [30] akaisaarei ka nukanykaonon, ka isekelin [31] akwat akanykaarei ka akaisauni, kwape ajaar esekel loka aibois nakalaunan.

²⁵ Epuesa loka ŋul kaluaponi kimarai kokodet arai atalatan akwatat, ka isekelin elukumit ka akwat akanykaarei ka akaisakanykaarei ka lukany, kwape ajaar esekel loka aioois nakalaunau:

²⁶ Ŋinituŋanan ebeka, ŋes atutubet naka esekel, kwape ajaar esekel loka aibois nakalaunan, kanuka ŋinituŋanan yenabu kotubor mama ejaas luemarar, ageun kaluka ikar akaisaarei ka luedeparito, kes ituŋa ilukumin akwat akanykape ka ilukumin iuni, ka akwat akany ka akaisakany.

²⁷ Araas atalatan akwatat nuka epuesa nutataunet aigaŋeta nuka aibois nakalaunan, ka aigaŋeta nuka aigalisit; aigaŋeta akwatat nuka atalatan akwatat, atalata kanuka aigaŋet.

²⁸Abu kiswamau igoluna luka ipirin kisekelin elukumit ka akwat akanykaarei ka akaisakanykaarei ka lukany, kiladaari da akwesikec, kiswamakina da aikajetakec.

²⁹Aisinit naka ainakinet arai atalatan akaisakanykaarei ka isekelin ilukumin iarei ka akwat aoŋon.

³⁰Kiswamaunia ŋin aigaŋeta nuka ekek loka ewema loka airiamunun, ka etem loka aisinit, ka eboike loka aisinit, ka iboro kere luka etem.

³¹ Ka aigaŋeta nualukunito alaro, ka aigaŋeta nuka erute loka alaro, ka iloin kere luka ewema lokalaunan, ka iloin kere lualukunito alaro.