Read Ebaibuli 1961 Yob 11 Bible Online

Yob 11 - Ebaibuli 1961 bible

Yob 11

¹Kosodi koboŋok Sopar Enaamatit kotema atiar:

²“Mam kereka ibusakinit aboŋokin akiro nuipu? itojokio da etuŋanan loinerana?

³Aiturokinikon tikepedo aisililiŋ ituŋa? Naisekelor ijo, mam ituŋanan kisurumi ileic?

⁴ Naarai itema ebe, ‘Akaisisianakin itenara, alai eoŋ da kakonyenekon.’

⁵Konye wu arai tikiner Edeke, kooŋ akeituk aluikin jo,

⁶ arai tikipukokinit nukaiyeiyea nuka acoa, kwape eraatar nuka ipitenyo luipu toma aswam nakapirianut. Aso kojen ebe mam Edeke kitepeseni ijo kwape ibusakinitor numam adolitekon.

⁷ “Ipedori kereka aanyun Edeke kanuka amoot? Ipedori kereka adolokin osaŋeta luka Lokapedor kere?

⁸Icelelei kwape akuj; inyo ipedori ijo aswam? Idul adepar Okatwak; inyo ipedori ijo aijen?

⁹Aitemisike edeparit akwap kaojau, ido elal adepar akar.

¹⁰Arai etubor, eeni ituŋa, enyarauni da kes atubokinio, iŋai gwai itikokini?

¹¹ Naarai ejeni ituŋa luutai; ido eanyuni numam adolit, karaida mam eomit.

¹²Konye emamei etuŋanan lootai ajenun, eebo, eurio ituŋanan kwape ikoku yenika atuko.

¹³ “Naitemonokinio ijo ejok ekonitau iriori akaninikon mama ejai ŋesi;

¹⁴arai ejaas numam adolit akanikon, kibwaik neelwana, sirikisiik nukaronok aiboienen kowemanakon;

¹⁵ Ŋes konyet ipedoria aikeun akonikonyen komamei aitakinet; eebo, icasi, komam ikurianari.

¹⁶Naarai kimurwokinete icanikon; iituni kes bala akipi nuatuboros.

¹⁷Ipiororoi akoniijar aitelekarit kidiŋ paaran; karaida ejai amuton, eraun bala atupuruc.

¹⁸Inapakini ijo da, naarai ejai amunonut; eebo, inolenolei kosodi aiyen kinapakina.

¹⁹Ido iriori, komam yenikitukuriani; eebo, ipu lukikanikanete jo.

²⁰Konye ekurwokinete akonye nuka ikaronok, emameikini kes neekeriara, eraun amunokec aijal aijar.”