Read Ebaibuli 1961 Yob 12 Bible Online

Yob 12 - Ebaibuli 1961 bible

Yob 12

¹Kosodi koboŋok Yob kotema atiar:

²“Komamei abuonokin iraas yesi ituŋa obe, etwani acoa da kayes.

³Konye eoŋ da ejai ajenun kwape yes; mam yes kideparito eoŋ; eebo, iŋai bo mam ejeni nuikote nen?

⁴ Asubit eoŋ bala loekienare kama ejai eidunyeteke, loabu keworo Edeke, kaboŋok; etuŋanan loedolit, loitenara ŋes ekienare.

⁵ Toma aomisioit naka ŋol kaloijakakai ejai amwaŋit aronis; ekapakina ŋul luejurusiaros kakecekeje.

⁶Ekerianaros iweman luka ikaŋatak, inapakinos ŋul luitunyunyurikinete Edeke; lueyaunete ekecedeke toma akanikec.

⁷Konye do kiŋit itiaŋ, kisisianakinete jo; ka akweny nuka apak da, kilimonokinete.

⁸Arai kinerakinos kalup, kisisianakinete jo; iboro lukecor da, kitetemonokinete.

⁹Iŋai bo mam ejeni kotoma kaŋul kere, ebe akan naka EJAKAIT ŋes abu kiswama ŋun?

¹⁰ Aijar naka ŋinibore yenikajaran ejai akanike, ka eiyeŋane da loka ituŋasinei kere.

¹¹Mam kereka akit igimori akiro, kwape iiriata aanyigol ikecenyamat?

¹²Ejai acoa ka ituŋa lumojoŋ, ajenun da ebuni kotoma aibut.

¹³“Ejai acoa ka apedor kaŋes; ŋes ejai ainerun ka ajenun.

¹⁴ Koany, ekesi, komam bobo epedorio aiduk; egolokini ituŋanan, komam epedorio ajaar.

¹⁵ Koany, itikokini akipi, koonikis; bobo da ijukari kes, korapaasi akwap.

¹⁶Ejai agogoŋ ka aswam nakapirianut kaŋes; yeniŋalao ka yeniŋalai kesi luke.

¹⁷Erikori ikenerunak eŋataritai, ituluori ikatubok ibaŋiok.

¹⁸Elacari irikoi luka ikabakan, ido eeni akeceŋabes kausi.

¹⁹Erikori isasedotin eŋataritai, elatakini da lukagogoŋok kwap.

²⁰Itubutari lumunon, elemari ajenun naka imakio.

²¹Ebukokini ikapolok emenit, ido elacuni arokoba naka lukagogoŋok.

²² Epukori nukaidules elemuni kamuton, itacauni etoribe loka atwanare.

²³Itupuci atekerin ido emudiari kes; itanyanyaari atekerin kosodi aitolomar.

²⁴Elemari itauono luka ijaka luka ituŋa luka akwap, ido itotori kes amodiŋ neemamei erot.

²⁵Erarapitos kotoma amuton komam aica, einakini kes aigetanar kwape ekameran.”