Read Ebaibuli 1961 Yob 17 Bible Online

Yob 17 - Ebaibuli 1961 bible

Yob 17

¹ Adaun ekatau, akapaarasia da erikakinos; kedarit ailit.

² Abeit ejaas ikesekelok mamaka, ibusakinit akakoŋu aite aitunyunyurikinikec.

³ “Koinakinai do aititiŋet, korau ijo elopet ekabwoiaranika. Iŋai bo yeniketiŋ akakan?

⁴Naarai imunonik ekecetau kinyeis ajenun: ŋes mam itopolooria kes.

⁵Ŋol loirupeenenei ipaperoke aituluor imejan, etwakete akonye nuka idweke.

⁶ “Ketuluo eoŋ ikienis kotoma otuŋa, arau ibore yenikimuaritono kakere.

⁷Awariwarata akakonye kanuka aburunit, araut akatutubeta kere kwape etoribe.

⁸Eumokinete ituŋa luitenara ŋun, ŋin da yenemamei akirot ecerededei aluikin lumam eyoŋito Edeke.

⁹ Konye ederenenei ikadoliton ekerot, Ŋin da yenejaas akanin nuelaete iyatanakini agogoŋor.

¹⁰ Konye koboŋutu yesi kere, kopotu do: mam adumunit yenikacoa kotomakus.

¹¹ Atuboros akapaarasia, abila ainerunika, aomisio da nukotoma otauka.

¹²Ejulakis akuare araun apaaran, ebe, ‘Idunyas aica kamuton.’

¹³Arai kamunokini Okatwak araut etogoka; arai apesikinit aperitika toma amuton;

¹⁴arai kalimok aipany ebe, ‘Ijo papaka,’ ka ekurut da ebe, ‘Ijo totoka,’ ido ‘kinacika’;

¹⁵Ai bo ejai akamun? Iŋai ca eanyuni akamun?

¹⁶ Edokari kereka mama ejaas atiketa nuka Okatwak? Kiupari nepepe kejesaros toma apua?”