Read Ebaibuli 1961 Yob 21 Bible Online

Yob 21 - Ebaibuli 1961 bible

Yob 21

¹Kosodi koboŋok Yob kotema atiar:

²“Kiirasi kojokan akakiro; koraut ŋun nukitalakarete.

³Kisiikinai, kener eoŋ da; kadau einer, kiyatakis aisekel.

⁴ Erurumaikinit kereka eoŋ ituŋa? Inyo bo kesimikit eoŋ amamus katitiŋikin?

⁵Kosesenai eoŋ, koumokis, kibwaikis akaninikus aitukekus.

⁶Naeitunio, eyaloŋoŋi, kekamuni etasuro akuanaka.

⁷ Kanukinyo ebusioto ikaronok, emojoŋete, eebo, kogogoŋioto kapedor?

⁸Icasit aurikec kakonyenekec, ipapaikec da kakonyenekec.

⁹Inapakina ireriakec komam akurian, ebela da loka Edeke emamei kakes.

¹⁰Eurianakini emonokec lomasenik, komam ekurwokini; eurie akeceiteŋ, komam ijeci.

¹¹Ijukarete ludidikikec kwape esipan, ikosiete da ikecedwe.

¹²Eyeete kalueruos ka adeudeun, kolelakinito da eporoto loka alamaru.

¹³Edaunete apaarasiakec kokeriaka, etwakete katipet.

¹⁴Konye apotu kotemasi Edeke ebe, ‘Irwa; naarai mam sio kipuda ajenun ikonirotin.

¹⁵Lokapedor kere ŋes iŋai, tape kijaanakini ŋes? Tikiimedau inyo, arai kilipenenei ŋes?’

¹⁶Koany, emamei akerianutukec kakaninikec: Elwana ainerun naka ikaronok kamaka.

¹⁷“Irwan imwaasi ai itudeŋio atala naka ikaronok? Ebunokinia kes epola? Ekorakinia da Edeke ican kotoma anyunyurake?

¹⁸Tetere esubito kesi bala ariaŋ naekutari ekwam, ka agugu nuekutari etapipirio?

¹⁹Ibalas yesi ebe, ‘Iŋadakinit Edeke ikedwe numam adoliteke.’ Ŋes elopet etacakini, tetere ejenuni.

²⁰Koanyutu akekonye akemudiar, ido komat ŋesi anyunyura naka Lokapedor kere.

²¹Naarai ikonakini ai isiyalamikini eketogo akauloke, ketubi kokidiŋ etiai loka ikelapio?

²²Ejai kereka yenisisianakini Edeke aijen? Naarai etubi ŋesi akiro nuka ŋul kaluitopolooritai.

²³Ejai yenetwani kojai agogoŋuke kere, Iyamakina cut kainapakina;

²⁴Ileleba akile okisinake, iinatos asume nuka akojoke.

²⁵Etwani ice ikilikila kotauke, mam iirenenei ajokis.

²⁶ Eperete kere kotoma apua, eraparete ikur.

²⁷“Koany, ajeni aomisiokus, ka ibotei da lueroko, luikotosi abilakin eoŋ.

²⁸Naarai ibalas ebe, ‘Ai bo ejai etogo loka lokapolon?’ Ebe da, ‘Ai bo ejai ewema lokiboioto lukaronok?’

²⁹Mam ipotu kiŋisitos luelosete korot? Ido mam ijenete aanyunetakec?

³⁰ Ebe inyeinio ituŋanan yenikaronon kapaaran naka epola? Itolomunio da kiŋa kapaaran naka anyunyura?

³¹Iŋai bo elimonokini ekerot kakonyenek? Ido iŋai bo etacanakini nuabu kiswama?

³²Konye edakario toma ailit, idarenenete ates.

³³ Ejijimanakinete ŋes aapoŋor nuka aditot, etupanakinete ŋes ituŋa kere, kwape inarenikinitotor lumam imarunos.

³⁴Ikwaikinete yesi ai aitalakaaria eoŋ kaamameak, naarai toma abonokinikus asala aisab bon?”