Read Ebaibuli 1961 Yob 34 Bible Online

Yob 34 - Ebaibuli 1961 bible

Yob 34

¹Kosodi bobo koboŋok Eliku ebe,

²“Kopuputu akakiro, yes ituŋa lukacoa; kitoikis aki neajai, yes luejai aijen.

³Naarai itemi akit akiro, kwape iiriata aanyigol inyamat.

⁴Kaseutu oni nuedolito, kajenutu oni bonik nuejok.

⁵ Naarai ener Yob atiar, ‘Arai eoŋ loadolit, ido kadema Edeke akabeit;

⁶ karaida karai lokabeit kanyaritai ekeŋalan, mam akamusuŋut itaŋaleun, karaida amamei eoŋ adiakar.’

⁷Iŋai bo etuŋanan loeputosi ka Yob, loemasi amwaŋit kwape kakipi?

⁸loeupenenas kalukeswamak numam adolit, loelosenenei kituŋa lukaronok.

⁹ Naarai ener atiar, ‘Mam ajokis ituŋanan aisiyalamikin Edeke.’

¹⁰ “Aso kopupunoi, yes ituŋa luejai aijen: madi Edeke, aswam nueroko; madi Lokapedor kere, aswam numam edolito.

¹¹ Naarai etacanakini ituŋanan akeswam, itudumikini ŋinituŋanan kwape ejaatar ikerotin.

¹²Eebo, abeit, mam Edeke iswamai aronis, karaida Lokapedor kere aibelokin etube.

¹³Iŋai cabo adakakinit ŋes ayait akwap? Iŋai bo da kititiŋit ŋes akwapisinei kere?

¹⁴ Tikinyakaa eketau, tiketukonoki ekemoyo ka eiyeŋanake,

¹⁵tikeolios kere luejaas awat, eboŋorete bobo ituŋa toma alup.

¹⁶“Aso arai ijai kaijen, kopup nu: kiira eporoto loka akakiro.

¹⁷ Eyait kereka yenelait adolit? Ikoto atubokin aitelekar loedolit ka loegogoŋ?

¹⁸Ibus kereka alimokin ekabaka ebe, ‘Isiliana ijo’? Arai bo isotia ebe, ‘Iroko yesi’?

¹⁹ Ido bo lomam etiakatiakai ikapolok, karaida asesen lukabarak aitelekarit lukican, Naarai eraas kere aswam naka akekanin?

²⁰Etularos kidiŋebai; ijaŋijaŋio ituŋa kotuboros, elemario lukagogoŋ komamei akan.

²¹“Naarai esesenete akekonye irotin luka ituŋanan, ido eanyuni alositoke kere.

²²Emamei amuton, karaida etoribe loka atwanare, neepedoriata lukeswamak numam adolit aiŋop.

²³ Naarai mam ipuda ŋesi aiyatakin aomoom nuka ituŋanan, tetere edoli akonyen nuka Edeke atubokinio.

²⁴Ebilibili lukagogoŋ komam aiŋit, ido edakakini ice aiboisiokec.

²⁵Kanuka ŋun naarai ejeni akeceswamisio, ebuburiari kes kuare, tetere emudiaros.

²⁶Inomi kes kwape lukaronok, kosesenete ice.

²⁷Naarai kopaasi kinyeis atupar ŋes, koŋeroto apodokin edio korotinike.

²⁸ Kanuka ŋun koinakis aimony naka lukican adolokin ŋes, kopup ŋesi aimony naka lureitono.

²⁹Arai einakini ŋesi ainapakin, iŋai bo epedori atubokin ŋes aitelekar? Ido arai kibwa akekonyen, iŋai bo epedori aanyun ŋes? Arai ateker, arai ituŋanan, kere eputos:

³⁰ kinye etuŋanan lomam ejeni Edeke ayait, kinyeis da ajaut luelokete ituŋa.

³¹“Naarai ejai kereka yenalimokinit Edeke atiar, ‘Kalecor, mam bobo adiaki;

³²kisisianakinai numam aanyunit, arai eswamat numamadolit, mam bobo eswamai’?

³³Kitepeseni kereka ŋesi jo kwape ikotor, naarai iŋerit ŋun? Naarai ibusakinit ijo aseun, konye mere eoŋ; Aso kiner nuijeni.

³⁴Ituŋa luejai aijen kalimokinete, Eebo, ŋinituŋanan yenikacoa yenikapupi eoŋ ebala ebe,

³⁵ ‘Inera Yob komamei aijen, akekiro da emameete acoa.’

³⁶Arai tope kigimoritete Yob aitodol awasia, naarai eboŋokini kwape ituŋa lukaronok.

³⁷Naarai iyatanakini aijerukanut toma aronisike, ibapibapi akekanin kokidiŋikosi, ido iyatanakini akekiro aitepegia Edeke.”