Read Ebaibuli 1961 Yob 35 Bible Online

Yob 35 - Ebaibuli 1961 bible

Yob 35

¹Koboŋok bobo Eliku, kobala ebe,

²“Iwomit ijo ebe edolit akirot ŋin? Arai bo ibala ebe, ‘Adoliteka itelekarit naka Edeke,’

³tape ibala ebe, ‘Ajokis anyoin mamakon?’ Bobo ebe, ‘Adumuni ajokis anyoin adepar natikadum arai kadiakarite?’

⁴Kaboŋokini eoŋ jo, ka lukaupakon da.

⁵Koŋolia akuj, kite; ido koany akuj, nakitelekarit jo kamukurur.

⁶ Arai idiakarit, iswamakin anyoika? Aibucanarikon arai iyatanakin, iswamakin anyoika?

⁷ Arai idolit, iinakini inyo? Arai ijaari ŋesi inyo kakanikon?

⁸Epedori akonironis aisirieb ituŋanan kwape kajo? Adolitekon da epedori aiŋarakin okoku loka etuŋanan.

⁹ Emonyete kanuka amwaŋio naepol noi, iluluete tetere edumunete aiŋarakinio kanuka akan naka ikagogoŋok.

¹⁰ Konye emamei yeninera ebe, ‘Ai bo ejai Edeke Lokasubanika, loeinakini ikososinei kuare,

¹¹ lokisisianakini aitelekar itiaŋ luka akwap, ido lokiinakini acoa aitelekar akweny nuka apak?’

¹² Emonyete kaŋina, konye emamei yeneboŋokini, kanuka aiwoŋonut naka ituŋa lukaronok.

¹³Abeit mam Edeke epupuni aamameak, karaida Lokapedor kere asesen kes.

¹⁴Aso epupuni biai arai kitema ebe mam ianyunit ŋes? Ejai akirot kakonyeneke, ka jo da idareununei!

¹⁵Konye kwape kwana, naarai mam kiticani kakenyunyura, ido mam ibwaikinit noi etau neejai apaar.

¹⁶ Ŋes keinakini Yob aooŋar akeituk einer aamameak; iyatanakini akiro komamei aijen.”