Read Ebaibuli 1961 Yob 37 Bible Online

Yob 37 - Ebaibuli 1961 bible

Yob 37

¹“Ido itamarani ŋin ekatau, Edouni etau kaiboisike.

²Kopuputu airuruma naka ekeporoto, ka agiro naelomuni kaitukuke.

³Ijukuni kwap kakuj kere, eimiliake da osaŋeta luka akwapin.

⁴Kokauke egirokini eporoto; iretuni keporoto loka apolouke: ido mam itikokini eimiliake naepupunere ekeporoto.

⁵Iretuni Edeke kekeporoto kaumokin, iswamai nuepolok, numam kipedori amisiikin.

⁶Naarai ebala ŋesi akaka ebe, ‘Kodoo akwap’; bobo da elimilim loka akiru kes ilimilimia luka akiruke naepol.

⁷ Ipiikini aanyunet akan naka ŋinituŋanan, tetere ejenete ituŋa kere luasubi gesi.

⁸Kosodete itiaŋ koloto toma aŋopisiakec, iboikinos toma abuaikec.

⁹Toma agola naka eŋalakimak ŋes neebunio ekwam: aaterot da ebuni kagolitomei.

¹⁰Eiyeŋane loka Edeke ŋes eyauni akipi nueruruwakito, eridakina apesiara naka akipi.

¹¹Eebo, ilelebi edou loitolimakinit akipi, epesiari edou loka eimiliake.

¹²Ido ijulujulio kanuka akirotoke, tetere iswamaete kere nuicorakini, kakwapin kere neiboioto ituŋa.

¹³Arai kanuka aikwenyar, arai kanuka akwapuke, arai kanuka aitim, ŋes eyaunia.

¹⁴“Kiira na, wu Yob; kopala, koomoom aswamisio nukaumokin nuka Edeke.

¹⁵Ijeni kereka ijo epone loicorakinia Edeke kes? ka aitacaikini aica naka edouke?

¹⁶ Ijeni kereka ijo aitirian naka idouon? Aswamisio nukaumokin nuka ŋol kaloedolit kaijen?

¹⁷Ikonakinete ca ai ikoninapen emwakuunete, naililiŋia akwap kanuka ekwam loka eŋalakimak?

¹⁸ Ipedori tope ijo apesikin akuj nepepe kaŋes, naegogoŋ kwape aroet naecaluna?

¹⁹Kisisianakinai sio nukinera kaŋes, naarai mam kipedori aisuduny akirokosi kanuka amuton.

²⁰Elimokinio kereka ŋes arai akoto einer? Arai tiekoto etuŋanan ailikorio?

²¹“Mam ituŋa epedorete asesen aica naemwekimweki kokuju kiton kwana: ketubor ekwam ipiororoi akuj.

²²Enyouni amwekimwek naesubit bala esabu kagolitomei, enapit Edeke apolou naeŋosib.

²³ Lokapedor kere, mam kipedori aŋicun ŋes; Lokapolon ŋes kotoma apedor: elope etube ka adolit naepol mam ŋes ereuni.

²⁴ Kanuka ŋun eyoŋito ituŋa ŋes; mam ŋes eseseni ŋul lueomitos bonik araut lukacoa.”