Read Ebaibuli 1961 Yob 38 Bible Online

Yob 38 - Ebaibuli 1961 bible

Yob 38

¹ Kosodi koboŋok EJAKAIT Yob kotapipirio, kotema atiar:

²“Iŋai ŋin yenitumutoni ainerun kakiro nuemamei aijen?

³ Aso do koen aŋabet kwape kekiliokit, naarai keŋisi jo, ijo da kitejenuni eoŋ.

⁴ “Ai bo kijai ijo naapesikinia kolo apeteta nuka akwap? Kitejen, arai ijai kaijen.

⁵Iŋai bo kolo kineruni aitemisioke, arai cani ijeni? Iŋai bo keriori aunoke?

⁶Mama kinyo iticasitere apetetake? Iŋai bo teni ebwaikini amoru nuka agor,

⁷ naayeoto nepepe aacer nuka atupuruc, idwe da luka Edeke kere kikareoto kanuka aiyalama?

⁸ “Iŋai bo do egolokini aŋolol kikirigin? Naalelea bala yenelomuni kakoik;

⁹naeswamakinia idouon araut akenapito, amuton naejesi ŋaŋ eimukosike,

¹⁰ido kesilak ŋes eikoruke, kebwaik atiketa ka ikirigin,

¹¹kabala ebe, ‘Idoluni kiton ne, konye mam idepari; nepe ne da itikokinio adakunun naka akonikailan.’

¹²“Ibu ijo kicorak atupuruc ageun kapaarasiakon? ka aitejenikin Acilakide akeibois?

¹³Tetere ikamuni isaŋeta luka akwap, ailakilakar ikaronok.

¹⁴Ilocokinio kwape elupe lokipucakinitai, etakanete kwape inapen:

¹⁵isimikio ikaronok akeceica, ido ebila akan naitopolooro.

¹⁶“Ibu tope ijo kolomarite akonyen nuka aŋolol? Arai bo ibu kolosenenei kaidules naka ataro?

¹⁷Kinaikinitai kereka jo ikirigin luka atwanare? Arai bo ibu koany ikirigin luka etoribe loka atwanare?

¹⁸Ibu tope ijo kojen alalau naka akwap? Kitejen cani, arai ijeni kere.

¹⁹“Ai bo ejai erot loebei neiboio aica? Ai bo da ejai aibois naka amuton?

²⁰Tetere iyaŋaari ŋes oikoruke, tetere da imisiikini isokono luebeete orekeŋ.

²¹Ijeni ba, naarai aponi kourii apaki ya, ido epol etiai loka apaarasiakon!

²²“Ilomarit kereka ijo aiŋadisia nuka akipi nuerurwakito? Arai bo ianyunit aiŋadisia nuka akako?

²³ Nueŋadakinit apakio nuka ican, ido apakio nuka aremo ka ejie?

²⁴Erot enyoin ketiakere aica, arai bo ekwam lokokide aisiarakinio akwap?

²⁵“Iŋai bo acili aleles naka akalele, arai bo erot loka eimilia ka eires?

²⁶Aitetepikin akiru akwap naemamei ituŋanan; amodiŋ da, naemamei ituŋanan;

²⁷ aisimonikinia alup nuelarioŋ nuesilok, aisibwanunia da amel?

²⁸ “Ejai kereka akiru papake? Iŋai bo da aurie aiiseta nuka akopyo?

²⁹ Akoik naka iŋai alomunia akako? Ido akipi nuidoudouto kanuka aaterot, iŋai bo keurie?

³⁰Erurwakito akip kwape amoru, ikamakina ataro.

³¹ “Ipedori kereka ijo ajen erikot loka Pleiades*? Arai bo alacun aeneta nuka Orion*?

³²Ipedori kereka ijo aitolomun Imasarot* kapakikec? Arai bo ipedori ijo aiŋarenikin Adubu[3] kikedwe?

³³ Ijeni kereka ijo aicorakineta nuka akuj? Ipedori ijo aiticat ayaiteke kakwap?

³⁴“Ipedori kereka ijo aikeseun ekoniporoto kiton odouon, tetere kiraparete akip nukepwak?

³⁵Ipedori kereka ijo aiyaki aimiliaunun, kolosete, kolimokis jo ebe, ‘Kija bo isio’?

³⁶ Iŋai bo ebwaikini acoa odouon? Arai bo iŋai ainakini ekipie aijen?

³⁷Iŋai bo epedori aimar idouon kanuka acoa? Arai bo iŋai epedori aitulur imukulen luka akipi nuka akuj,

³⁸naiminaikinotor apua agogoŋor, ido iketakinos aapoŋor?

³⁹“Imejaikini kereka ijo aŋatuny imejasit? Arai bo isimonikini eipud loka idwe luka eŋatuny.

⁴⁰Naidipidipioto kesi kabuaikec, naeŋasiata kaŋopisia aperun?

⁴¹ “Iŋai bo edumakini ekuruk ikenyamat, naemonyiata idweke mama ejai Edeke, irimete kanuemamikinitotor inyamat?”