Read Ebaibuli 1961 Isabulin 139 Bible Online

Isabulin 139 - Ebaibuli 1961 bible

Isabulin 139

¹Loka Ekapolokiton lueruos. Esabuli loka Daudi. Wu EJAKAIT, ibu konie eoŋ, kojenu da.

² Ijeni aiboika ka anyounika da, Ijeni akaomisoit eroko elwana.

³Iŋici ekasokot, ka aperoka da, Ijeni da ikarotin kere.

⁴ Naarai emamei akirot kaŋajepeka, Konye koany, wu EJAKAIT, ijeni ŋes cut.

⁵Kiluk eoŋ kiŋaren kokau da, Ido kidokok eoŋ akonikan.

⁶Aijen naikoni nen kekarunit; Ikiara noi, mam apedori adolokin ŋes.

⁷Ai bo alosi anyoun komoyokon? Ai bo da akereari anyoun kakonyenekon?

⁸ Arai kadoka kuju, ijai ijo nen: Arai kapesik akaperit toma Okatwak, koany, ijai Ijo nen da.

⁹Arai kaporo kabebenoka nuka tupuruc, Kasodi aiboikin osaŋe cut loka aŋolol:

¹⁰Keŋarenikini akonikan ŋina da, Ketiŋi akonikan nakoteten.

¹¹Arai kener ebe, “Abeit karapiari amuton, Aica da nakalukunit eraun akuare.”

¹²Mam amuton kinopikini jo, Konye ecai akuare kwape kapaaran: Eputos amuton ka aica kamakon.

¹³Naarai ibu ijo kosub ineretenyaka: Ibu koburia eoŋ kakoik naka totoka.

¹⁴Kemalaenenei jo; naarai kasubunitai eoŋ kopone loeyoŋoŋ ka loeumokina da: Nukaumokin akoniswamisio; Ejeni ekatau ŋun jokan.

¹⁵Mam akasubunet ibwaa kamakon, Nakasubere kaiyeiyea, Nakeswamaere kapirianut katutubeta nukokwap nuka akwap.

¹⁶Apotu akonikonye koanyut eoŋ alidio, Ewadikatai akatutubeta kere oitabokon, Nukeswamaere ginipaaran, Koroko ketakanuna adiokakesi.

¹⁷Wu Edeke, akoniwomisio eraas nuka akais nuipu kamakanl Epol ca ma etiaikec!

¹⁸Arai kemar kes, epol etiaikec adepar asiŋe: Naakwenyunia, eriŋa ajai nepepe kajo.

¹⁹ Wu Edeke, abeit iari ikaronok: Aso konyoutu kaneajai yes ikaarak.

²⁰ Naarai inerasi nueroko asurokini jo, Lukasurupokon da elimito ekonikiror atai.

²¹Wu EJAKAIT, mam kereka alait eoŋ kes lukilaito jo? Mere asacit eoŋ ŋul lukinyoikinete jo?

²²Alait kes kalait alopet: Emarakinit kes araut lukasurupoka.

²³ Wu Edeke, koŋicai, kojen ekatau: Kitemoi, kojen akaomisio:

²⁴ Koany arai ejai ediorot loerono tomakaŋ, Ido kiŋarenik eoŋ korot lomam edaun.