Read Ebaibuli 1961 Isabulin 17 Bible Online

Isabulin 17 - Ebaibuli 1961 bible

Isabulin 17

¹Ailip naka Daudi. Kiira naedolit, wu EJAKAIT, kopupok akaiwor; Kitoik akit akailip, namam ebuni kaituk nakamodan.

²Kolom akatubokinio kamakon; Kosesenata akonyekon nuedolito.

³ Igimo ijo ekatau; kilatok eoŋ kuare; Kirere eoŋ kwabo mam eanyuna akirot; Akanau eoŋ ebe mam akaituk epaari.

⁴ Kwape ejaatar aswamisio nuka ituŋa, kanuka akirot naka aitukukon, Abu kenac irotin luka ikadedeŋak.

⁵Ecat akalosit korotinikon, Mam eiurusiara akakeje.

⁶Kewonei jo, naarai kiboŋokini eoŋ, wu Edeke; Kitoikinai akonikit, kopup nuenera.

⁷Kitodia akonisianut-nakamin nakaumokin, Wu jo loitajari lukimunosi jo, Kama ejaas luenyoikinete, kakonikan nakoteten.

⁸ Kidarai kwape ecopot loka akoŋu, Kibwaai kotoribe loka abebenokakon.

⁹Kama ejaas ikaronok lukanasete, Lukasurupoka lukakotosi aiar, lukerigaunito.

¹⁰Arapia kes asiepaikec; Inerasi nuka eitur kaitukekec.

¹¹ Kirigaut sio kalositekosi: Etogogonoto akecekonye aibirokin sio kwap.

¹²Esubit bala eŋatuny loibitiikinit kanuka imejaunake, Ido bala ikoku yenika eŋatuny yenedapadapat kaiboisio nuperunet.

¹³Konyou, wu EJAKAIT, Kotereikin, kibirok ŋes kwap; Koyu ekatau kekonikileŋ kama ejai ikaronon.

¹⁴Kama ejaas ituŋa, kanuka akonikan, wu EJAKAIT, Kama ejaas ituŋa luka akwapin, luejaas akorakinetekec kotoma aijar kana, Luitilelebi abarakon akoikikec: Epuikis kes idwe, Inyeiniata ikecedwe ikeceboro luideunos.

¹⁵ Konye bo eoŋ, aanyuni akonikonyen kotoma adolit: Naakwenyunia kadaunit asimakon.