Read Ebaibuli 1961 Isabulin 25 Bible Online

Isabulin 25 - Ebaibuli 1961 bible

Isabulin 25

¹Esabuli loka Daudi. Etonyouni ekatau mama ŋal jo, wu EJAKAIT.

² Wu Ekadeke, kamunonena jo, Kenyeis ileic airum; Kenyeis da lukasurupoka aipikor eoŋ.

³Eebo, lukidarito jo emamei yenirumete ileic: ŋul luebilete ibotei luutai kes irumete ileic.

⁴ Kitodikinai ikonirotin, wu EJAKAIT; Kisisianakinai ikonisokono.

⁵Kiŋarenikinoi kotoma abeitekon, kisisianakinai; Naarai irai ijo Edeke loka akaitajar; Kedareunenei jo aitiwar akwap.

⁶Kiitu, wu EJAKAIT aitimikon nakajokan, ka asianutukon-nakamin; Naarai kejaas apeŋo.

⁷ Sirikiitu aronisio nuka akatumun, karaida akadiakanar: Kiitunai kwape ejaar akonisianut-nakamin, Kanuka akonijokis, wu EJAKAIT.

⁸Ejok EJAKAIT ido edolit: ŋes isisianakinia ikadiakanarak korot.

⁹Inarenikinenei luitasonos kotube: Ido isisianakinenei luitasonos ekerot.

¹⁰Isokono kere luka EJAKAIT eraas asianut-nakamin ka abeit, Mama ejaas iŋul luericete aitutuketeke ka aitejenunetake.

¹¹ Kanuka ekonikiror, wu EJAKAIT, Kisionioi numam adoliteka naarai ipu.

¹² Iŋai bo ituŋanan yeneyoŋit EJAKAIT? Ŋipeŋin isisianakinenei korot loeseikini.

¹³ Iboienenei eketau inapakina: lrumenenei aurike akwap.

¹⁴ Aiyeiyea naka EJAKAIT ejai kaŋul kalueyonito ŋes: Itodianakinenei akeitutuket.

¹⁵ Esesenenete ilkakonye EJAKAIT apaarasia kere; Naarai elemununei ŋesi akakeje koboi.

¹⁶ Kibelokin neajai, kitim; Naarai kasiliki bon, eticanitoi.

¹⁷Eyatakinos ican lukotauka: Okwe kolemunai kotoma aitururuka!

¹⁸ Koomoom nuka aiticanioka ka aitaaritoika; Kisionioi akaronisio kere.

¹⁹Koomoom nuka lukasurupoka, naarai ipu; Kalaito da kalait naedwar.

²⁰Okwe kidarenenei ekatau, koyuununei eoŋ! Kenyeis ileic airum, naarai kamuno jo.

²¹Kedarata eoŋ alaunit ka adolit, Naarai kedareunit jo.

²² Kolaku Isirael, wu Edeke, Kotoma ocanike kere,