Read Ebaibuli 1961 Isabulin 37 Bible Online

Isabulin 37 - Ebaibuli 1961 bible

Isabulin 37

¹Esabuli loka Daudi. Siriyaloŋoŋoenenei kanuka lukeswamak aronis, Sirikokotekit da ŋul luiswamaete numam adolit.

²Naarai etubio kwape anya, Erinyorete bala amel.

³Komunonena EJAKAIT, kiswamaenenei nuejok; Kiboienenei kakwap, kotupenenei amunonut.

⁴ Kolakanar kama ejai EJAKAIT; Kiinakini ŋesi da jo nuimiela ekonitau.

⁵ Kititiŋik EJAKAIT ekonirot; Komunonena ŋes, itodolenenei ŋesi da.

⁶ Itoduuni akonidolit bala aica, Akoniitub da kwape kidiŋ paaran.

⁷Kililiŋ kaneejai EJAKAIT, kidareununei katitiŋikinit; Siriyaloŋoŋoenenei kanuka ŋin yenekeriana korotoke, Kanuka ituŋanan yenitodoli ibotei luka aronis.

⁸ Kinyek anyunyura, kojal adedeŋ; Siriyaloŋoŋoenenei, naarai iriuni ŋin aronis.

⁹Naarai egelario luiswamaete nueroko: Konye ŋul luidarito EJAKAIT, kes irumete akwap.

¹⁰Naarai kapak naedit, emameun ikaronon: Eebo, irerei cut akeibois, ido emameun.

¹¹ Konye luitasonos irumete akwap; Iyalamanakinos kainapakin naeiliili.

¹²Ineruni ikaronon aluikin ikadoliton, Ekonyanakinor ŋes ikel.

¹³ Konye ekienar EJAKAIT ikaronon; Naarai eanyuni ebe eapie akepaaran.

¹⁴Autut ikaronok ikileŋa, eketata akabwaikec; Aibirokin yenikican ka yenilwaritoi, Aiar ŋul luitenara korot:

¹⁵Icumete ikecekileŋa itauonokec kikulepek, Ebilas akabwaikec.

¹⁶ Idis luejaatar ikadoliton Itelekaritos aipues naka iboro luka ikaronok luipu.

¹⁷Naarai ebilas akanin nuka ikaronok: Konye igaŋit EJAKAIT ikadolitok.

¹⁸ Ejeni EJAKAIT apaarasianuka luitenara: Ejaenena akeceirumet ikar kere.

¹⁹ Mam irumenenete ileic kapakio nuka aronis: Imonianakinos da kapaarasia nuka eteŋei.

²⁰Konye eoliorete ikaronok, Ilicaros lukasurupo luka EJAKAIT kwape ajokis naka elet; Icweikinio; epuriorete bala apuru.

²¹Ijauni ikaronon, komam inyakakini bobo: Konye ekori yenedolit kasianut, einakini da.

²² Naarai luisirereŋitoi irumete akwap; Ka ŋul luikenit ŋesi egelario.

²³ Iticasi EJAKAIT alosit naka ituŋanan; Isiyalamikinit da ekerot.

²⁴ Karaida kibiror, mam elatar noi; Naarai igaŋit EJAKAIT kakekan.

²⁵Adite kolo eoŋ, konye kwana amojoŋ; Konye eriŋa eanyuna yenedolit ejalakinitai.

²⁶Karaida akeur ilipitoi inyamat, Ekori kasianut aitiwar akwap, eyuuni; Isirereŋitoi da akeur.

²⁷Konyou kotoma aronis, kiswama nuejok; Kobut ikar kere.

²⁸ Naarai emin EJAKAIT etube, Ido mam ejalakini lukalaunakake; Idario kes ikar kere: Konye egelario aur naka yenikaronon.

²⁹Irumete ikadolitok akwap, Ebusete kotoma ikar kere.

³⁰Inera aituk naka ikadoliton nuka acoa, Elimonokini da akeŋajep etube.

³¹Ikisila luka Edekeke ejaas otauke: Mam ejurusianar kotoma alositeke kere.

³²Eseseni ikaronon ikadoliton, Kokoto aiar.

³³ Mam EJAKAIT inyeini kakanike, Karaida aitetelekar ŋes naetubokinere akiro.

³⁴Kidareununei EJAKAIT, kotupenenei ekerot, Ŋes da kitopoloori jo airum akwap: Ianyuni egelario lukarenok.

³⁵Abu kaany ikaronon ejai apedor naepol, Kigananai kwape kekitoi loelomunit kalupoke.

³⁶Konye kitor, ido koany, emamei: Eebo, abu kamo, konye mam etakanuna.

³⁷ Koŋicenenei yenedolit, kiteenenei yenetenit: Naarai esaŋe loka ituŋanan kaŋin ŋes ainapakin.

³⁸Konye ikadiakanarak emudiario nepepe: Egelario cut esaŋe loka yenikaronon.

³⁹ Konye aitajario naka ikadolitok ebuni kama ejai EJAKAIT: Ŋol ŋes anopisikec kotoma apakio nuka icano

⁴⁰ Ido iŋarakini EJAKAIT, itaŋaleuni kes: Itaŋaleuni kama ejaas ikaronok, itajari kes, Naarai akeriasi neejai ŋesi.