Read Ebaibuli 1961 Isabulin 39 Bible Online

Isabulin 39 - Ebaibuli 1961 bible

Isabulin 39

¹Loka Ekapolokiton lueruos, loka Yedutun. Esabuli loka Daudi. Abu katema atiar, “Edarenenei ikaponesio, Kenyek aibucar kaŋajepeka: Aeni akaituk kamuny, Naejaar lokaronon akonyeneka.”

²Abu kebanubanun keliliŋi, Kabuta komam enera karaida nukajokak; Kiyatakin akaiturur.

³ Komwanu ekatau kotomaka; Naaomoomaa kinep akim: Kasodi kener kaŋajepeka ebe:

⁴“Wu EJAKAIT, kitejenunai esaneka, Ido kwape ejaar aitemisioit naka apaarasiaka; Kitejenunai kwape araar loaloŋwana.

⁵ Koany, ibu kituluo akapaarasia kwape alalau naka akan; Akaibut da erai ibore yenitai kakonyenekon: Abeit ŋinituŋanan naicasitor erai eiyeŋane lootai. Sela.

⁶Abeit elosi ŋinituŋanan bala etoribe, Abeit iyaloŋoŋoete atai: Etuki abar, komam ejeni yeneyaari.

⁷Aso do, wu EJAKAIT, edareunit inyo? Ejai akamun mamakon.

⁸Koyuunai kapaaretaka kere: Sirikiituluo amorosit naka ibaŋiok.

⁹Abu kebanubanun, mam abu kaoona akaituk; Naarai ibu kosub.

¹⁰Kolema ebelakon kamaka: Karumo ainomio naka akonikan.

¹¹Naitetenia ituŋanan kairetakin kanuka numam adolit, Irumori akejokis kwape ekaporiporit: Abeit ŋinituŋanan erai eiyeŋane lootai. Sela.

¹² Kopup akailip, wu EJAKAIT, kitoik akit akaiwonet; Sirikililinik akakiyo: Naarai arai eloŋwait kamakon, Ekeboiororon, kwape ajaatar lukapapaaka.

¹³ Okwe kideunai eoŋ, tetere ecasicasi, Eriŋa kenyouno, kamameun kane.”