Read Ebaibuli 1961 Isabulin 40 Bible Online

Isabulin 40 - Ebaibuli 1961 bible

Isabulin 40

¹Loka Ekapolokiton lueruos, Esabuli loka Daudi. Abu kedareununei EJAKAIT katitiŋikinit; Ketoik ŋesi eoŋ akit kopup akaimony.

²Ido kalem kaipany naka amudiario, Kotoma orit loiminai; Kibwaik akakeje atiiba, Kiticat akalosit.

³Epikaki ekosio lokitetet aitukuka, ŋes aiturit Edekewok: Eanyunete luipu, koyoŋata, Komunokinos EJAKAIT.

⁴ Isirereŋitoi ituŋanan yenemuno EJAKAIT, Yenimam ibwaikinit aibuses luiwoŋoko, Karaida luepaarete aiŋal.

⁵ Wu EJAKAIT Ekadeke, ipu aswamisio nukaumokin nuibu kiswama, Ka aomisiokon nuejaas mamakosi; Mam epedorete aitemokin kamakon; Arai akoto alimor ka einer kes, Ipu mam imarunos.

⁶ Mam isiyalamikinit asubanit ka ainakinet; Ipuko akaki; Mam ibu kokoto ainakinet naicweio, Karaida ainakinet naka adiakaret.

⁷ Kasodi kener ebe, “Koany, abu eoŋ; Ewadikatai nukaŋ oitabo lonunuko:

⁸ Wu Ekadeke, esiyalamikinit eoŋ aswam nuikoto ijo, Eebo, ejaas ikonikisila otauka.”

⁹ Alimonok adolit kotoma atukot naepol; Koany, mam ctubutanari akaituk, Wu EJAKAIT, ijeni ijo.

¹⁰ Mam ebwait akonidolit kotauka; Alimonok amunonutukon ka akoniitajar: Mam emunonit akonisianut-nakamin ka abeitekon kama ejai atukot naepol.

¹¹ Wu EJAKAIT, sirikiimik eoŋ akoniitim naiyapaara; Kedarete tiritir akonisianut-nakamin ka akonibeit.

¹² Naarai kerimorito nukaronok numam imarunos, Kadolokis numam adoliteka, ŋes mam apedoria asesen kuju; Epuata aitelekarit itim luka akouka, Eteg ekatau.

¹³Wu EJAKAIT, kitojok ayuun eoŋ. Wu EJAKAIT, kiwonyuni aiŋarakin eoŋ.

¹⁴Kirumata ileic kimuarai kere Luemoete amudiar akaijar: Kinyakarai kau komwanai ŋul luisiyalamikinito eoŋ adumun aronis.

¹⁵Kosilikis, kanuka ileicikec Lukesuanarete ebe, “Uus, Uus!”

¹⁶Kiyalamikinos kolakaros da kotomakon kere lukimoete: Kinerenenas tiritir lueminas akoniitajar ebe, “Kitopolooroi EJAKAIT!”

¹⁷ Konye arai eoŋ lokican loelwaritoi da; Keitunit EJAKAIT eoŋ; Ijo ekakenarakinan ido ekakayuunan; Sirikiyap, wu Ekadeke.