Read Ebaibuli 1961 Isabulin 44 Bible Online

Isabulin 44 - Ebaibuli 1961 bible

Isabulin 44

¹Loka Ekapolokiton lueruos; Esabuli loka odwe luka Kora. Masikil. Kipou keirasi kakosiki, wu Edeke, Apotu lukapapaakosi kolimonokis sio, Aswamisinei nukiswamaenenei kapaarasiakec, Kapaarasia nukolosek.

² Ibu kireŋea atekerin kakonikan, kiraik kes: Ibu kitican ituŋa, kisiarisiar kes.

³ Naarai mam erumete akwap kanuka ekilenikec, Karaida akecekan mere ŋes etajari kes: Dimarai akonikan nakoteten, ka aica naka akonyenekon, Naarai ibu komina kes.

⁴ Irai ijo Ekakabaka, wu Edeke: Kicorak aitajar kanuka Yakob.

⁵ Kiremori lukasurupokosi kanukon: Kicakacakai ŋul lukinyoikinete sio kanuka ekonikiror.

⁶ Naarai mam amuno akakabwa, Ekakileŋ da mere ŋes ketajari eoŋ.

⁷Konye ibu ijo kitajar sio kama kalukasurupokosi, Ibu kisurum ŋul lukilaito sio ileic.

⁸ Toma Edeke kitureneneo aitiwar akwap; Kimalaenenei ekonikiror ikar kere. Sela.

⁹Konye natikwana kicaka ijo sio, kitisil; Kwabo mam iupanaros kajoresiokosi.

¹⁰ Kinyaki sio kau kaneejaas lukasurupokosi; Enaŋete ŋul lukilaito sio kanukec.

¹¹ Ibu kituluo sio bala imerekekin lueseunitai ainyam; Ibu kisiarak sio toma atekerin.

¹² Igwelari ikonituŋa atai, Komam idumunit ameda kotiaikec.

¹³Kituluo sio amorosit kama ejaas iidunyetakosi, Lukisekelio ka lukisuanara kama ejaas ŋul lukirimorito.

¹⁴Kituluo iwaraga kotoma atekerin, Ikimuŋumunes akwes kotuŋa.

¹⁵Ejai aitisilioka akonyeneka aitiwar akwap, Adakar akakou.

¹⁶ Kanuka eporoto loka yenimoromoroi ka yeneinyanakini; Kanuka lokasurup ka lokenyaŋan da.

¹⁷ Kidolokis ŋun kere; konye mam sio kimurwokinit jo, Kwabo mam sio kinalat kotoma aitutuketekon.

¹⁸Mam ikositauon ebonorito kau, Karaida akosikejen mam epaarito korotokon;

¹⁹ Karaida ibu kipieipic sio noi kaibois naka ikuwei, Ibu kiteribo sio ketoribe loka atwanare.

²⁰Arai kimurwokinit isio ekiror loka Edekekosi, Arai kiiriorit akosikanin mama ejai edeke logela;

²¹ Mam kereka Edeke enicuni ŋun? Naarai ejeni aiyeiyea nakotau.

²² Eebo, kanukon kiario aitiwar akwap; Kimario bala imerekekin lutubutubo.

²³Kokweny! Kanukinyo iiotoo, wu EJAKAIT? Konyou! Sirikiicaka ikar kere.

²⁴Kanukinyo ibwaia akonikonyen, Kimurwok aiticanitoikosi ka aroikiniokosi?

²⁵Naarai aluroosi ikositauon toma apua; Eminaikinos akosikoikes alup.

²⁶Konyou kiŋarakinai, Kolakunai sio kanuka akonisianut-nakamin.