Read Ebaibuli 1961 Isabulin 66 Bible Online

Isabulin 66 - Ebaibuli 1961 bible

Isabulin 66

¹Loka Ekapolokiton lueruos. Ekosio, Esabuli. Kikare akwap kere kaiyalama mama ejai Edeke:

²Koye nuka aibuses naka ekekiror: Kitubusik akeiturit.

³ Kolimok Edeke ebe, “Iŋosibibos ca ma akoniswamisio!” Kanuka ailiil naka akonipedor kinonokikinete lukasurupokon.

⁴ Kimai jo akwap kere, Kiyeikinete; Eyeikinete ekonikiror. Sela.

⁵ Kopotu, koanyut aswamisio nuka Edeke; Iŋosibib ŋesi kotoma nuiswamakini idwe luka ituŋa.

⁶ Abu kituluo aŋolol aonit; Apotu kitoroto ocor kakeje; Kanen kipou kalakaros kotomakeŋ.

⁷ Irumit kakegogoŋ ikar kere; Esesenete akekonyen atekerin: Kinyeis lukepali aitopoloor bonik. Sela.

⁸Aso do yes ituŋa, kiturenenete Edekewok, Kisiirasi eporoto loka akeiturio:

⁹Ibwaikinit itauonowok toma aijar, Mam isunupit akejewok airiaŋiriaŋa.

¹⁰ Naarai jo, wu Edeke, ibu kigimo sio: Ibu kililiau sio, kwape ililiaunere epuesa.

¹¹Ibu kitolomik sio oboi; Ibu koinak sio aigugunatoi naelaŋir kaŋabesikosi.

¹²Isibwaneni ituŋa kosodete aidok kakwesikosi; Kipou ketoro akim ka akipi da; Konye ibu kitolomik sio aibois naidilas iboro.

¹³ Alomuni togokon kasuban nuicweio, Katacakini jo aiyaposioka.

¹⁴Nuabu akaituk kiner, Ka nuabu akaŋajep kolim, nakaburunia.

¹⁵Kainakini jo asuban nuicweio nuka kaluetarioko, Ka lukisupurununo luka imerekekin lumaseniko: Ainakini imoŋin lutoba ka akinei. Sela.

¹⁶Kopotu, kiirasi, yes kere luiyoŋito Edeke, Kalimonokis nuabu ŋesi kiswamak ekatau.

¹⁷Abu keworo kakaituk, Kitopolooroi ŋes kakaŋajep.

¹⁸ Arai aomit numam adolit kotauka, Mam EJAKAIT epupuni.

¹⁹Konye abeit apupu Edeke; Eira eporoto loka akailip.

²⁰Kituritete Edeke, Lomam abu kireŋea akailip, Kwabo mam kemikit akeitim,