Read Ebaibuli 1961 Isabulin 91 Bible Online

Isabulin 91 - Ebaibuli 1961 bible

Isabulin 91

¹Yeniboie kaibois naka aiyeiyea naka Loejai kuju kakuj, Iboienenei kotoribe loka Lokapedor kere.

²Alimuni nuka EJAKAIT ebe, “Ŋes neekerianaraka ka abwasika; Ekadeke, loamuno.”

³Naarai kiyuuni jo kairukutu naka ekalokan akweny, Ka atular da naerono.

⁴ Kirapiari jo kakopirike, Imeci ijo kwap kabebenokake: Akebeit erai ebuku ka aupal.

⁵ Mam ikurianari etasuro loka akuare, Karaida emal loegumunio paaran;

⁶Karaida atular naebuni kamuton, Karaida amudiar naemunauni paaran.

⁷Ibirokinos ilukwnin osiepikon, Ka ilukwnin itomon kakonikan nakoteten, Konye mam kidolokini jo.

⁸ Konye iseseni ijo kakonikonye, Ianyuni da eropit loka ikaronok.

⁹Naarai jo, wu EJAKAIT, irai neekerianaraka! Itarau Loejai kuju kakuj aiboisikon naiboieneno;

¹⁰ Mam adioronis kidoikini jo, Karaida adiotular adolokin owemakon.

¹¹ Naarai einakini ikemalaikan aidar jo, Koricito jo korotinikon kere.

¹² Kidakete jo kakaninikec, Kinyek amoru aiguikin akonikeju.

¹³ Icaki ijo eŋatuny ka emusaga: Ipudapudai iŋatuny ka emun.

¹⁴Ayuuni ŋes, naarai kaminakin eoŋ noi; Ekeuni ŋes kuju naarai ajenu ekakiror.

¹⁵ Kewonei eoŋ, eoŋ da aboŋokini ŋes; Ajaenena kaŋes kotoma ocan; Ayuuni ŋes, etopoloori da.

¹⁶Esimonikini ŋes aibut naka apaarasia nuipu, Ido etodikini ŋes akaitajar.