Read Ebaibuli 1961 Isabulin 96 Bible Online

Isabulin 96 - Ebaibuli 1961 bible

Isabulin 96

¹Koyeikisi EJAKAIT ekosio lokitetet: Koyeikisi EJAKAIT, yes akwapin kere.

²Koyeikisi EJAKAIT, kiturito ekekiror: Kitodiasi akeitajar ŋinipaaran.

³Kolimosi akeibuses katekerin, Aswamisioke nukaumokin kotuŋa kere.

⁴Naarai epol EJAKAIT, loibusakinit noi aiturio: Loibusakinit ayoŋio adepar idekesio kere.

⁵ Naarai idekesio kere luka ituŋa eraas aputosia: Konye EJAKAIT ŋes asubi akuj.

⁶Aibuses ka apolou ejaas akonyeneke: Agogoŋ ka atemelel ejaas aiboisike nakalaunan.

⁷ Koinakis EJAKAIT, yes atekerin nuka ituŋa, Koinakis EJAKAIT aibuses ka agogoŋ.

⁸Koinakis EJAKAIT aibuses naibusakinit ekekiror: Koyautu ainakinet, kolomut alaroike.

⁹Komaata EJAKAIT konapito luelaete: Komaran kakonyeneke akwap kere.

¹⁰ Kolimosi katekerin ebe, “Irumit EJAKAIT: Icasit akwap da, komam epedori aijaŋijaŋa: Etubokini ituŋa kabeit.”

¹¹Kiyalamikin akuj, kolel akwap; Kirurum aŋolol, ka ailelebake kere.

¹²Kolel ekitui, ka luejaas toma kere; Kosodete do ikito kere luka amagoro ayoore kanuka aiyalama;

¹³ Kakonyen nuka EJAKAIT, naarai ebunit; Naarai ebunit atubokin akwap: Etubokini akwap kadolit, Ka ituŋa da kakebeit.