Read Ebaibuli 1961 Awaragasia 14 Bible Online

Awaragasia 14 - Ebaibuli 1961 bible

Awaragasia 14

¹ Eduki ŋiniberu nakacoa etogoke: Konye etiyatiyai nabaŋ kakaninike.

² Ŋol loelosi kateniteke eyoŋit EJAKAIT: Konye ŋol lomagul korotinike emeni ŋes.

³ Toma aituk naka lobaŋ ejai ebela loka aisosolonut: Konye aituke nuka luecobe idarete ikulepek.

⁴Elai auj naemameete imoŋin: Konye ebuni eiyas kagogoŋ naka emoŋ.

⁵ Ekajenan lomunot mam esabi: Konye esabanakini ekajenan lokeŋalan.

⁶ Emoi ekesekelon acoa komam edumuni: Konye epatana aijen kama ejai ŋol loejai ajenun.

⁷Konyou kakonyen nuka lobaŋ, Naarai mam ianyuni aituk naka aijen kamakeŋ.

⁸ Acoa naka loecobe ŋes ajenun ekerot: Konye abaŋaanut naka ibaŋiok ŋes aiŋal.

⁹ Emoeasi ibaŋiok kotoma adiakaret: Konye isirereŋitoi luitenara itauon.

¹⁰Ejeni etau akadakinike; Emoit da mam imorikikini kaiyalamake.

¹¹ Etiyatiyao etogo loka ekaronon: Konye ekerianar ewema loka loitenara etau.

¹² Ejai erot loeomit etuŋanan bon ebe ejok, Konye osaŋeke kes irotin luka atwanare.

¹³ Karaida kekieni, konye itururwei etau; Esaŋe da loka aiyalama ŋes ajuruŋuŋ.

¹⁴ Loeboŋori kau kotauke imonikini ikerotin: Etuŋanan da loejok imonikini nuke elopet.

¹⁵Iyuunit ijimat ŋinikirot: Konye ericit loecobe alositeke.

¹⁶ Iyapaara lokacoa, ido enyouni karonis, Konye iraŋaana lobaŋ, ido iilokin.

¹⁷Iswamai etuŋanan loisunyit anyunyuranakin nukabaŋaanut: Elaio da ŋol lokibotei lueroko.

¹⁸Irumito lujimat abaŋaanut: Konye idokokinio luecobe aboko naka aijen.

¹⁹Ekukumito lukaronok kakonyen nuka lukajokak; Ka lukelepa da korutei luka ikadolitok.

²⁰ Lokican elai ŋes ekeidunyet da: Konye ekabaran ejaas ipapero luipu.

²¹ Ediakarit loemenit ekeidunyet: Konye elakara loitimi lukican.

²²Mam kereka ŋul luepwakunete aronis epaarete? Konye ejaununos aitim ka abeit kaŋul kaluepwakunete ajokis.

²³Ejai ameda toma aitaaritoi kere: Konye ailabilabanut eyauni aibabanitoi.

²⁴Abarakec ŋes aboko naka lukacoa, Konye abaŋaanut naka ibaŋiok ŋes abaŋaanut bon.

²⁵Itajari ekajenan lokabeit aijar naka luce: Konye loesabana itapaari.

²⁶Loeyoŋit EJAKAIT ejai amun naegogoŋ: Ikedwe da edumunete neekereanara.

²⁷ Ayoŋit EJAKAIT ŋes atan naka aijar, Anyoun koica luka atwanare.

²⁸Aibuses naka ekabaka ŋes aipues naka ituŋa; Konye naemameatar ituŋa emudiario lokapolon.

²⁹ Loiyapi anyunyurikin ejaas kaijen naepol: Konye ŋol loisunyit anyunyurikin itopoloori abaŋaanut.

³⁰ Etau loibecokino ŋes aijar naka akuan: Konye ekokote ŋes aibos naka akojo.

³¹ Loemwaŋi lokican emoromoroi Lokasubanike: Konye ŋol loitimi loilwaritoi Itubusakini ŋes.

³² Elatakinio lokaronon kwap kanuka akeronis: Konye ekadoliton emuno aketwanare.

³³Ejai acoa otau loka ŋol kaloejai aijen: Konye ejenunio nuejaas otauon luka ibaŋiok.

³⁴Itopoloori adolit ateker: Konye aronis emorere ateker kere.

³⁵ Ejai asianut naka ekabaka neejai ekejaanakinan loiswamai nukacobeu: Konye enyunyurikini ŋol loiswamai nukileic.