Read Ebaibuli 1961 Awaragasia 2 Bible Online

Awaragasia 2 - Ebaibuli 1961 bible

Awaragasia 2

¹Okokuka, arai kicam akiroka Kiŋadak da aicorakinetaka mamakon;

²Tetere itoikini akonikit mama ejai acoa, Ibwaikini da ekonitau ajenun;

³Eebo, arai kimonyak amisiikin; Ikeseun da ekoniporoto adumun ajenun;

⁴ Arai kimoi ŋes kwape epuesa, Kirii ŋes kwape abar naibwaitai;

⁵Ŋes konyet ijenunia ayoŋit EJAKAIT, Idumuni da aijen Edeke.

⁶ Naarai einakini EJAKAIT acoa; Elomuni aijen ka ajenun kaitukuke.

⁷ Iŋadakini ŋul luitenara kotauon acoa naeŋalei, Erai ŋesi ebuku loka ŋul kaluelosenenete kabeit;

⁸ Tetere igalikini isokono luka etube, Idari erot loka lukalaunakake.

⁹Ŋes konyet ijenunia adolit ka etube, Ka nuetenito, eebo, ŋolirot loejok.

¹⁰Naarai elomari acoa otaukon, Aijen da isiyalamikini ekonitau;

¹¹ Acobeu ŋes kidari jo, Ajenun da kirici jo.

¹²Kiyuunete jo korot loka aronis, Kotuŋa luinerenenas nukelepa;

¹³ Luejalete isokono luka atenit Alosit korotin luka amuton.

¹⁴Luelelakinito aswam nueroko, Luisiyalamikinito elepa loka aronis;

¹⁵Luimagululos korotinikec, Luipaanarete kosokonokec.

¹⁶Kiyuunete jo kaberu naadote, ŋes nakerimon naijodijodi kakiroke;

¹⁷ Naejali epaperoke loka atumunike, Imurwokini da aitutuket naka Ekedeke:

¹⁸Naarai ijesari etogoke kiton atwanare, Irotinike da kiton okatwak.

¹⁹ Mam ŋul luelosete mama ejai eboŋunete bobo, Karaida adolore orotin luka aijar.

²⁰ Tetere ilosenenei ijo korot loka ituŋa kaluejok, Koric da isokono luka luedolito.

²¹Naarai iboienenete luitenara kotauon kakwap, Idoŋete luedolito tomake.

²²Konye egelario lukaronok kakwap, Erutorio luebilete ibotei.