Read Ebaibuli 1961 Ekalimonokinan 1 Bible Online

Ekalimonokinan 1 - Ebaibuli 1961 bible

Ekalimonokinan 1

¹Akiro nuka Ekalimonokinan, okoku loka Daudi, ekabaka kotoma Yerusalem.

² Inera Ekalimonokinan ebe, Aamameak nuka aamameak; aamameak nuka aamameak, kere eraas aamameak.

³ Anyoin ameda naedumuni etuŋanan kaitaaritoike kere naetaaritor kokwap kakoloŋ?

⁴ Elosi atur, ebuni da atur ace; Konye iboienenei akwap ikar kere.

⁵ Elomuni akoloŋ, elomari da akoloŋ, Iwonyari alosit aiboisike neelomunia.

⁶ Elosi ekwam ari naka eŋalakimak, Kosodi aibelokin agolitomei; Ibelonokini ducuduc kalositoke, Eboŋori bobo toma airimorike.

⁷ Eleleete icorin kere toma aŋolol, Konye mam aŋolol ilelebun; Aibois naelosenenete icorin, Nepenen da elosenenete bobo.

⁸ Ileleba iboro kere aipas; Mam epedori etuŋanan alimun: Mam akoŋu imonikin asesen, Akit da mam eupi akiirar.

⁹ Nukejaas apeŋo kes nuejaunos rwaru; Nukiswamao apeŋo kes nuiswamao rwaru; Emamei ibore yenikitetet kokwap kakoloŋ.

¹⁰Ejai tope ibore yenebalas ituŋa ebe, “Koany, itet yen”? Kejau kolo ŋo kokaru lukigeikinete oni.

¹¹Emamei aiitunet naka ikar lukolo ŋo: Mam ejaun da aiitunet naka ikar luekotosi aponare, Kotoma kaŋul kaluetupanakinete.

¹²Eoŋ Ekalimonokinan abu karai ekabaka loka Isirael kotoma Yerusalem.

¹³ Abu kebwaik ekatau amoot ka aŋicun kacoa kere nuiswamas kokwap kakuj; ŋes aitaaritoi naepol naabu Edeke kijaik odwe luka ituŋa aitaaritor.

¹⁴Abu kaany aswamisio kere nuiswamas kokwap kakoloŋ; ido koany, kere eraas aamameak ka ainyam ekwam.

¹⁵ Yenimagul mam epedori aitetenio: Yenemamei da mam epedorio aimar.

¹⁶ Abu keneru kotauka, katema atiar, “Koany, adum acoa naepol adepar kere lukageikinete eoŋ ko Yerusalem: eebo, adumu ekatau acoa naepol noi ka aijen.”

¹⁷ Abu kebwaik ekatau aijen acoa, aijen da ikerep, ka abaŋaanut: abu kajenu ebe eraas ŋun da ainyam ekwam.

¹⁸ Naarai toma acoa naepol ŋes ejai akadakin naepol: Ŋol da loiyatakini aijen iyatakini ican.