Read Ebaibuli 1961 Ekalimonokinan 10 Bible Online

Ekalimonokinan 10 - Ebaibuli 1961 bible

Ekalimonokinan 10

¹Icuc luetwakito itobosete tulutul akinyet naka ekenyalan aures naejok: Kwape kwaŋin elaŋir abaŋaanut naedit aitelekarit acoa ka aibuses.

² Etau loka etuŋanan lokacoa ejai kakanike nakoteten; Konye etau loka ebaŋ ejai kakanike nakokediany.

³ Eebo, arai elosi ebaŋ korot, kodaun aijeneke, Elimokini ŋinituŋanan ebe erai ebaŋ.

⁴ Arai kinyoikini jo emoyo loka ekayaiton asurokin, sirinyoununei kaiboisikon; Naarai anonokikin isiyamikini aronisio nuepolok.

⁵Ejai aronis naabu kaany kokwap kakoloŋ, kosubit bala adiakar naebuni kama ejai ekayaiton.

⁶Isiboikinio abaŋaanut aiboisio nuepolok, iboiete da ikabarak aiboisio nukokwap.

⁷ Abu kaany ibulesin ibwanenito ibalasin, ka ikapolok elosete kakeje bala ibulesin kakwap.

⁸ Loeboki aipany ibirokini neni ŋol da loebeli abwas, ekonyi emun ŋes.

⁹Ŋol loeuki amor ilunyulunyete ŋes; Ŋol da loibesi akito edumuni akaŋas.

¹⁰Arai keŋinior asuat, komam ituŋanan ipeni, Aso ibusakinit aiyatakin agogoŋ: Konye iŋarakini acoa aiteten.

¹¹ Arai ekonyi emun koriŋa elemelema, Emamei ajokis ekalemeleman.

¹²Esiaka akiro nuka aituk naka lokacoa; Konye ilikori aituk naka ebaŋ elopet.

¹³Ageunet naka akiro nuka aitukuke ŋes abaŋaanut: Esaŋe da loka akiroke kes ikerep lukameneranut.

¹⁴ Iyatanakini ebaŋ akiro, Konye mam ituŋanan ejeni nuejaunos; Iŋai bo epedori alimokin nuejaunos atupanakin ŋes?

¹⁵Aitaaritoi naka ibaŋiok egogori ŋolidiopet kakesi, Naarai mam ejeni neitori elosi ore.

¹⁶ Itukwi, ijo akwap, naeraar ekabakakon ikoku, Enyamete da ikapolokokon tupuruc!

¹⁷ llakara, ijo akwap, naeraar ekabakakon okoku loka lukapolok, Enyamete da ikapolokokon kapak naedolit, Adumunia agogoŋ, kwabo mere ameranakin!

¹⁸Edoi eswi kanuka aijalijalanut; Ido eisi etogo kanuka apalisonut naka akanin.

¹⁹Ipounio inyamat kanuka akiena, Ebino da italakari aijar; Apesan da eboŋokinete ŋinikirot.

²⁰ Sirikenenenei ekabaka, karaida toma aomisiokon; Sirikenenenei ekabaran kagolakon naiperenenei: Naarai eyaŋaari ikweny yenika apak eporotokon, Ŋin da yenejaas abebenoka itatami akirot.