Read Ebaibuli 1961 Ekalimonokinan 5 Bible Online

Ekalimonokinan 5 - Ebaibuli 1961 bible

Ekalimonokinan 5

¹ Kocoite akonikeje nailomanaria togo loka Edeke: naarai ejok aikunyakin akiirar itia ainanakin asuban nuka ibaŋiok: naarai mam ejenete ebe iswamaete aronis.

² Sirikilebileb kaitukukon, karaida ekonitau aisunyit einer akirot kere kakonyen nuka Edeke; naarai ejai Edeke toma akuj, ijo da toma akwap; aso kikidiokoto akonikiro.

³Naarai ebuni airujasit kaipues naka aswamisio; eporoto loka ebaŋ da ebuni kaipues naka akiro.

⁴ Naiyapoo ijo aiyaposit mama ejai Edeke sirikitilor aitodol; naarai mam isiyalamikini ibaŋiok: kitodolonokini ŋun nuiyapoi.

⁵ Ejok timam kiyapo itia aiyapo kosodi akurwokin aitodolikin.

⁶ Sirikijalak aitukukon aidupor akonikuan; sirikiner kakonyen nuka emalaika ebe kerai aibucaret: kanukinyo tienyunyurikinia Edeke ekoniporoto, amudiar da aswamisio nuka akaninikon?

⁷ Naarai toma aipues naka airujasia ka aamameak ejaas da akiro nuipu: konye jo koyoŋenenei Edeke.

⁸ Karaida ianyuni lukican emwaŋitai, ido etube ka abeit da edemario kagogoŋ kotoma obuku, sirikiwumok akirotnin: naarai loitelekarit apolou eseseni lokapolou, ejaas da lukapolou aitelekarit kes.

⁹Bobo da amio naka akwap erai naka kere: ekabaka da ijaanakinio komanikor.

¹⁰Ŋol Ioikila epuesa mam imonikin epuesa; ŋol da loikila luipu mam imonikini eiyas: ŋun da eraas aamameak.

¹¹Arai kiyatakinos iboro, ŋul da luenyamete kes iyatakinos: ameda anyoin edumuni elopet dimarai asesen kes kakekonyen?

¹²Ejijim ajo nuka lokeswaman, arai enyami luikidioko arai luipu; konye aimonut naka ekabaran mam isiikini ŋes ajo.

¹³ Ejai aronis naepol naabu kaany kokwap kakoloŋ ŋes nata, abar nainadakinit elopet eyaŋauni aronis:

¹⁴etwaniari abar ŋin kanuka arereŋ naerono; arai da keuri ikoku, komamei ibore kakanike.

¹⁵ Kwape kelomunia kakoik naka totoke, eboŋori emujalal kwape kelomunia, kwabo mam eyaŋaari ibore kanuka aitaaritoike yenepedori ayaŋaar kakanike.

¹⁶ Na da ŋes aronis naepol, kwape kelomunia elosi cut kwape kwaŋin: edumuni ameda anyoin etaaritor kanuka ekwam?

¹⁷ Enyamenenei kamuton apaarasiake kere, ido eburuni noi, edekanakin enyunyuranakini da.

¹⁸Koany, nuabu kaany ebe ejok ibusak da kes nu, etuŋanan ainyam ka aimat, ka aisiyalamikin aitaaritoike kere, naetaaritor kokwap kakoloŋ, apaarasia kere nuka aijarake nakijaikin Edeke: naarai ŋin ŋes akekorakinet.

¹⁹Ido ŋinituŋanan kere yenijaikinit Edeke abar ka iboro, ido ijaikinit apedor ainyam ka alemunun da akekorakinet, ka aisiyalamikin aitaaritoike; ŋin ŋes ainakinet naka Edeke.

²⁰ Naarai mam iituni noi apaarasia nuka aijarake; naarai eboŋokini Edeke toma alakara naka etauke