Read Ebaibuli 1961 Isaia 20 Bible Online

Isaia 20 - Ebaibuli 1961 bible

Isaia 20

¹ Kokaru loabu Taratan kobunokinia Asudod, nakiyakiaria Sarugon ekabaka loka Asuria ŋes, kitiji Asudod koyaŋa;

² kapak kagin kiner EJAKAIT kama ka Isaia okoku loka Amos ebe, “Kolot, kolaca epuko loinapit kaŋabetekon, kolaca da amuk kakejekon.” Kiswama kwaŋin, kosakasak imujalal, komam enapit idiobore kakejeke.

³ Kotema EJAKAIT atiar, “Kwape kesakasakator Isaia ekakejaanakinan kimujalal, komam enapit idiobore kakejeke ikar iuni araun aanyunet ka nakaumokin koMisiri ka Etiopia da;

⁴ kwape kwaŋin emearia ekabaka loka Asuria luijoreoritai koMisiri, ka luereŋearitai koEtiopia, ludidik ka lumojoŋ, kimujalalas, komam enapitos idiobore kakejekec, komam erapap iwoos, aisurum Misiri ileic.

⁵ Eburunete, irumete ileic, kanuka Etiopia amunokec, ka Misiti aibusesukec.

⁶Kapaaran kaya ineras luiboiete kariri naka aŋolol na ebe, ‘Koany, ikoni nen amunowok, nekipou kakeriasi aisigalikinio tetere kiyuunio kama ejai ekabaka loka Asuria: ka oni da, kikwaikini ai kikui?’ ”